Ձեր վստահելի աղբյուրը

Մոսկվայի քաղաքային դատարանը մեղմացրել է տնային կալանքի պայմանները  հոր սպանության մեջ մեղադրվող Խաչատուրյան քույրերից կրտեսերի՝ Մարիայի համար: polit.ru- հաղորդմամբ, այս մասին ասել է  փաստաբան Յարոսլավ Պակուլինը:

Մոսկվայի Բուտիրսկի դատարանն արգելել էր Մարիային շփվել բոլորի հետ, բացառությամբ դատարանի աշխատակազմի, փաստաբանի և օրինական ներկայացուցչի: Մոսկվայի քաղաքային դատարանը մեղմացրել է պայմանները: Այժմ արգելքը տարածվում է միայն քրեական գործընթացի մասնակիցների ՝ տուժողների, վկաների վրա:

«Մարիան բժշկական օգնություն ստանալու, տրանսպորտում գտնվող մարդկանց հաղորդակցվելու, բացարձակապես ոչ մեկի հետ շփվելու իրավուքն չուներ: Մենք այդ արգելքը համարեցինք անօրինական և բողոքարկեցինք», - ասել է փաստաբանը:

Մոսկվայում 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին,  դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել,  որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին դատարանը  փոխել էր  Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։ Ավելի ուշ քույրերն ազատվել էին նաև էլեկտրոնայիան շղթայից:

Խաչատուրյան քույրերի քրեական գործերն արդեն Մոսկվայի դատարաններում են։  Ավագ քույրերի՝ Անգելինայի և Քրիստինայի վերաբերյալ քրեական գործերը քննվելու է Մոսկվայի քաղաքային դատարանում։ Նրանք մեղադրվում են մի խումբ անձանց կողմից նախնական համաձայնությամբ հորը սպանելու մեջ: Այս հոդվածը նախատեսում է պատիժ ՝ 8-20 տարի ժամկետով ազատազրկում։
Կրտսեր քրոջը, որը հանցագործության պահին անչափահաս էր, ազատազրկում չի սպառնում, դատարանը կքննարկի նրա նկատմամբ բժշկական բնույթի հարկադրանքի միջոց կիրառելու հարցը: