Ձեր վստահելի աղբյուրը

Հայաստանը դարձել է 47-րդ պետությունը, որն ավարտել է «Երեխաներին սեռական շահագործումից և սեռական բռնությունից պաշտպանության մասին Եվրոպայի խորհրդի կոնվենցիայի վավերացումը» (Լանզարոտեի կոնվենցիա»): Այս մասին ասվում է Եվրոպայի խորհրդի հաղորդագրության մեջ։

Նշվում է, որ ԵԽ-ում Հայաստանի մշտական ներկայացուցիչ, դեսպան Պարույր Հովհաննիսյանը ի պահ հանձնեց վավերացման փաստաթուղթը ԵԽ Գլխավոր քարտուղարի տեղակալ Գաբրիելա Բատաինի-Դրագոնիի ներկայությամբ: Կոնվենցիան Հայաստանում ուժի մեջ կմտնի 2021 թվականի հունվարի 1-ից:
Տիկին Բատաինի-Դրագոնին ասել է. «Ես ողջունում եմ Հայաստանի կողմից Լանզարոտեի կոնվենցիայի վավերացումը: Կոնվենցիան ամենադաժան հանցագործություններից մեկը կանխելու և դրա դեմ պայքարի եզակի գործիք է, որը, ցավոք, դեռևս չափազանց տարածված է մեր հասարակության մեջ»:

Լանզարոտեի կոնվենցիան վավերացվել է Եվրոպայի խորհրդի բոլոր անդամ պետությունների կողմից, բացի Իռլանդիայից, ինչպես նաև Թունիսից: Համաձայն Կոնվենցիայի իրագործումը վերահսկող Լանզարոտեի կոմիտեի նախագահ Քրիստել դե Քրեյմի՝ «Լանզարոտի կոնվենցիան մեծ տարբերություն է ստեղծում ՝ օգնելով Եվրոպայի և նրա սահմաններից դուրս գտնվող կառավարություններին՝ համատեղ աշխատել երեխաների սեռական շահագործման և բռնության դեմ պայքարում:

Նշվում է, որ Եվրոպայում մինչև 18 տարեկան հինգ երեխաներից մեկը սեռական բռնության զոհ է: Լանզարոտեի կոնվենցիան պետություններին պարտավորեցնում է քրեականացնել երեխաների նկատմամբ բոլոր տեսակի սեռական հանցագործությունները, ներառյալ առցանց, պաշտպանել զոհերին և հետապնդել հանցագործներին: Այն նաև խնդրում է երկրներին, ինտեր ալիա,  ապահովել, որ երեխաների նկատմամբ սեռական հանցագործությունների վերաբերյալ վարույթ հարուցելու վաղեմության ժամկետը շարունակվի բավարար ժամանակահատվածով՝ թույլ տալու համար, որ դատավարությունը տեղի ունենա, երբ տուժողը դառնա չափահաս։