Ձեր վստահելի աղբյուրը

Հնդկաստանը  կորոնավիրուսով վարակվածների թվով աշխարհում երկրորդ տեղն է զբաղեցրել. hիվանդությունn ախտորոշվել է ավելի քան 4,2 միլիոն մարդու մոտ, փոխանցում է «Ռիա Նովոստի»-ն։

Նախկինում երկրորդ տեղը զբաղեցնող Բրազիլիայում մինչ օրս հաստատվել է հիվանդության 4,13 միլիոն դեպք: ԱՄՆ-ը շարունակում է մնալ առաջատարը, որտեղ, ըստ Ջոն Հոփկինսի համալսարանի տվյալների, վարակված է 6,2 միլիոն մարդ:

Անցած օրվա ընթացքում Հնդկաստանում գրանցվել է հիվանդության ռեկորդային՝ 90,8 հազար դեպք, երկրորդ օրն անընդմեջ հիվանդության հաստատված դեպքերի ցուցանիշը գերազանցում է 90 հազարը. նախորդ օրը 90,6 հազար էր։

Նշվում է, որ հիվանդությունից ապաքինվել է ավելի քան 3,25 միլիոն մարդ (դեպքերի ընդհանուր թվի 77,31% -ը), ավելի քան 882 հազար հիվանդ (20,99%) բուժվում է հիվանդանոցներում, և ավելի քան 71,6 հազար հոգի (1,7%) մահացել է։