Ձեր վստահելի աղբյուրը

«Ամեն հինգշաբթի գալիս ենք, որպեսզի անարդարությունների մասին բարձրաձայնենք, տեղ հասնի: Ոչ մի բան չի կատարվում»,- լրագրողներին ասաց Երևանի Եկամլյան փողոցի՝ իր բնակարանից զրկված բնակիչներից մեկը, ով այլ բնակիչների հետ կառավարության շենքի դիմաց է:

«Ուրախացանք, որ հեղափոխությունից հետո մեր հարցերը կլուծվեն, արդարությունը կհաղթանակի, բայց տեղաշարժ չի լինում: Հասկանում ենք՝ խնդիրները շատ են, Նիկոլ Փաշինյանը զբաղված է, բայց այդքան աշխատողներ կան, որոնք աշխատավարձ են ստանում, պարգևավճերներ: Ասում են՝ համբերեք, մենք զբաղվում ենք: 15 տարի սպասում ենք,  բոլորն էլ զբաղվում էին, 5 կառավարություն, 3 նախագահ է փոխվել, բոլորը զբաղվում են»,- ասաց  Եկամլյանի բնակիչը:

Նա նշեց, որ եթե զբաղվում են իրենց հարցով, գոնե ասեն, թե որ փուլում է:

«Ջահել են, եթե չեն կարողանում հարցին լուծում տալ, կարող եմ խորհուրդ տալ, ուղղակի պետք է ասեն, թե ինչ խնիդրներ կան, մենք էլ բացատրենք, թե ինչպես կարելի է հարցը լուծել: Ինվեստր գտանք, որը պարտավովում էր կառուցել, փոխհատուցել, թույլ չտվեցին:

Կոնկրետ աշխատանք է պետք, որ մենք էլ զգանք, հասկանանք, առողջություններս արդեն քայքայվել է: Եթե հարց չեն լուծում, ոնց ենք իրենց «պրեմիա» գրում կամ գործից հետո գնում տները՝ չմտածելով, որ մարդիկ անտուն մնացել են:

Ուզում ենք պարզել, մի բան լինելու է, թե ոչ, մեր անելիքն իմանանք: Իմանանք՝ եթե խաբված ենք, գնանք այս երկրից»,- ասաց անտուն մնացած քաղաքացին: