Ձեր վստահելի աղբյուրը

Իսլամական խորհրդարանում Թեհրանի և Հյուսիսային իրանահայության պատգամավոր Արա Շահվերդյանը չորեքշաբթի օրն այցելել է ռադիոհեռուստատեսության կազմակերպության արտասահմանյան թողարկումների հայերեն ռադիոժամ և մոտկից ծանոթացել հայալեզու լրատվամիջոցի աշխատանքին: Այս մասին գրում է parstoday-ը։

Արտասահմանյան թողարկումների հայերեն ռադիոյի հաղորդմամբ, հանդիպման ընթացքում, որին ներկա էր Կենտրոնական Ասիայի և Կովկասյան տարածաշրջանի գլխավոր տնօրեն Բորհան Հեշմաթին, հայերեն ռադիոժամի տնօրեն Ալիռեզա Հասանյանը, վերջինիս ներկայացրել է ռադիոյի աշխատանքը և Իսլամական Հանրապետությունում հայալեզու լրատվամիջոցների ազդեցությունը:

Իսլամական խորհրդարանում Թեհրանի և Հյուսիսային իրանահայության պատգամավոր  Արա Շահվերդյանն ասել է. «Որպես հայերեն ռադիոժամի ունկնդիր, կցանկանայի ասել, որ այս ռադիոն բազմաթիվ ծառայություններ է մատուցել հայկական մշակույթը տարածելու հարցում»:

Շահվերդյանն նշելով, որ հայերեն ռադիոժամը կարևոր դեր ունի  հայ համայնքի համար, հավելել է. «Իրանում փոքրամասնությունների իրավունքների, հատկապես մարդու իրավունքների և քաղաքացիական ազատությունների վերաբերյալ տեղեկատվության տրամադրումը շատ կարևոր է»:

Թեհրանի և հյուսիսային իրանահայերի պատգամավորն ափսոսանք հայտնելով հայերեն ռադիոհաղորդումները FM ալիքից հեռացնելու որոշման կապակցությամբ, հույս հայտնեց ռադիոհեռուստատեսության կազմակերպության պաշտոնյաների, հատկապես դոկտոր Փեյման Ջեբլիի հետ հանդիպման ժամանակ, պետք է բարձրացնի վերոնշյալ խնդիրները և միջոցներ ձեռնարկի դրանց լուծման ուղղությամբ:

Իրանի հայերեն ռադիոն հիմնադրվել է իրանական 1325 թվականին 1946 թվականին և ներկայումս եթերում է ներքին և արտաքին ալիքներով: Ներքին հաղորդումների բաժնում հայերեն  ռադիոյի նպատակն է տեղեկացնել Իրանում տեղի ունեցող ներքին, հատկապես հայ համայնքում տեղի ունեցող իրադարձությունների մասին: Արտասահմանյան ծրագրերի բաժնի առաջնահերթ խնդիրն է Իրանի իսլամական հանրապետության քաղաքականությունը ներկայացնելը: