Ձեր վստահելի աղբյուրը

ԱԺ «Իմ քայլը» խմբակցության երկու պատգամավորներ՝ Անդրանիկ Քոչարյանը, Մխիթար Հայրապետյանը, անկախ պատգամավոր Արման Բաբաջանյանը մշակել ու հրապարակել են օրենքի նախագիծ, որով մասնավորապես առաջարկվում է պարտադիր զինվորական ծառայությունից խուսափած և 27 տարին լրացած անձինք ազատվելու են քրեական պատասխանատվությունից, եթե վճարել են երկու տարվա պայմանագրային զինվորական ծառայողի աշխատավարձի չափով գումար։

Ի դեպ, նախագծի հեղինակ պատգամավորներից երկուսը՝ Հայրապետյանն ու Բաբաջանյանը բանակում չեն ծառայել։

«Հենակետ» վերլուծական կենտրոնի ղեկավար, Արցախի նախագահի նախկին խորհրդական Տիգրան Աբրահամյանը Panorama.am-ի   հետ զրույցում նկատեց՝ հրապարակված նախագիծը բազմաթիվ հարցեր է առաջացնում, դրանում բավականին մեծ թվով անհստակություններ ու անորոշություններ կան, որոնք պետք է անպայման դրվեն քննարկման ու կարգավորում ստանան մինչև դրա՝ օրենքի ուժ ստանալը։

«Եթե նախագիծը ներկայացված է հետագա  հանրային քննարկմումների համար, ապա կարող է որպես հիմք վերցվել, քննարկումների միջոցով հասնել օպիտմալ տարբերակի,  բայց այս տեսքով փաստաթութը հեռակար չունի, այն ավելի կխճճի ու խնդիրներ կառաջացնի, քան մենք ունեցել ենք մինչև այսօր»,-ասաց ռազմական փորձագետը։

Նա նշում է, որ նախագծում պետք է հստակ սահմանված լինեն ծառայությունից խուսափածների երկու խումբ՝ մարդիկ, ովքեր զորակոչից առաջ լքում են երկիրը չծառայելու համար, և մարդիկ, որ ինչ-ինչ հանգամքներում փոքր տարիքում ընտանիքի հետ մեկնել են ու բնակություն են հաստատել այլ երկրներում, բայց ժամանակ առ ժամանակ ցանկանում են գալ Հայաստան, արձակուրդներն անցկացնել այստեղ, տատիկ-պապիկներին կամ հարազատներին այցելել։

«Այս երկու կատեգորիաների մեջ տարբերություն կա, սակայն նախածով դրվում են մեկ հարթության մեջ»,-նկատեց Աբրահամյանը։

Անհասկանալի անդդրադարձ կա ծառայությունից խուսափած սպաների մասին։
«Եթե խոսքն այն մասին է, որ սպան ծառայության անցնելով  զինված ուժերում, լքել է ծառայության վայրը, լքել է երկիրը, իսկ հետո ցանկանումէ  վերադառնալ, այս դեպքում դրամական բավարարման վերաբերյալ որևէ սահմանչափ չի արդարացնի նրա պահվածքը։ Ես այդ հարցը դիտարկում եմ քրեաիրավական կարգավորման դաշտում, բայց կրկնում եմ՝ ինձ համար այնքան էլ ընկալելի չէ սպաների հետ կապված մասը»,-նկատեց փորձագետը։

Հաջորդ ոչ հստակ հատվածն Աբրահամյանի համար վերաբերում է  նախագծով առաջարկվող գումարի չափին՝ երկու տարվա պայմանագրային զինվորական ծառայողի աշխատավարձի չափով։

«Պարզ չէ, թե պայմանագրային ինչ ծառայության մասին է  խոսքը, որովհետև պայմանագրային ծառայության դրույքաչափերը տարբեր են՝ պայմանավորված ծառայության տեղանքով ու այլ առանձնահատկություններով»,-նկատեց կենտրոնի ղեկավարը։

Նա բավականին ցարծ է համարում նախագծով առաջարկվող գումարը, որի շնորհիվ բանակից խուսափածները կարող են ազատվել պատասխանատվությունից։

«Դա կարող է խրախուսել էական թվով երիտասարդների՝ խուսափելու մեր երկրի համար այդքան կարևոր առաքելությունից»,-ընդգծեց նա։

Նախագծում նշվում է, որ վճարված գումարը վերադարձվում է, եթե քրեական պատասխանատվությունից ազատվելուց հետո 3 տարվա ընթացքում անցել են պայմանագրային ծառայության, պայմանագրային ծառայությունն անցնելուց հետո վերանում է հանրային ծառայության անցնելու արգելքը:

Այս հատվածում էլ անհասկանալի է, թե ինչպես պարտադիր ժամկետային ծառայությունից խուսափած անձինք պետք է անցնեն պայմանգրային ծառայություն։

«Այս իրավիճակում լրացուցիչ խնդիրէ  առաջանալու ուսումնական ծրագրի սահմանման առումով, դա անցնելուց հետո միայն երիտասարդները կարող են դիմել պայմանագրային ծառայության»,-նկատեց Աբրահամյանն ու կրկին ընդգծեց՝ լուրջ կարգավորումների խնդիր կա։