Չեմ ուզում այս պատասխանատու ամբիոնի մոտ կանգնած որևէ ավելորդ արտահայտություն անել. Էդգար Շաթիրյան
«Լուսավոր Հայաստան» խմբակցության պատգամավոր Անի Սամսոնյանը ԱԺ նիստում հարց ուղղեց ՍԴ անդամի կառավարության ներկայացուցիչ Էդգար Շաթիրյանին և նկատեց, որ վերջինս 2015-19 թվականներին աշխատել է Բարձրաստիճան պաշտոնատար անձանց էթիկայի հանձնաժողովի անդամ և նույն ժամանակաշրջանում ուսումնասիրվել է նրա գույքի և եկամուտների հայտարարագիրը և այնտեղ կան որոշ նրբերանգներ, որոնք պարզաբանման կարիք ունեն. «2015 թվականից ի վեր իրականացրել և հայտարարագրել եք անշարժ գույքի օտարման և ձեռք բերման 6 գործարք իսկ անշարժ գույքի Կադաստրի պետական կոմիտեից ստացած տեղեկատվության համաձայն, 2007 թվականից ի վեր իրականացրել եք անշարժ գույքի ձեռք բերման և օտարման թվով 24 գործարք: Ներկայումս հաշվառված եք 2017 թվականին օտարված բնակարանում, իսկ բնակության հասցեում գտնվող անշարժ գույքը ձեր սեփականությունը չէ: 2017 թվականից 2020 թվականների ընթացքում ՀՀ բանկերում Ձեր ունեցած բանկային հաշիվներով արձանագրված է մուտքային և համախառն շրջանառությունը, որը մոտավորապես 3 անգամ գերազանցում է այդ ժամանակահատվածում թեկնածուի ստացած եկամուտները: Համաձայն անշարժ գույքի Կադաստրի պետական կոմիտեից ստացած տեղեկատվության Ալյանս 64 ՍՊԸ-ին հանձնված փոխառությունը 2020 թվականի հունիսի 11-ի դրությամբ պետք է կազմեր 15 մլն 305 հազար ՀՀ դրամ, սակայն բարեվարքության հարցաթերթիկում հայտարարագրված է 14 մլն 535 հազար դրամ: Ինչպե տեսնում եք կան անհամապատասխանություններ և խնդրում եմ պարզաբանեք, թե ինչպե՞ս կարող էր ձեր շրջանառության մուտքերը 3 անգամ գերազանցեր և ձեր եկամուտներին չհամապատասխաներ»:
Էդգար Շաթիրյանը պատասխանեց.«Անկեղծ ասած բարեվարքության եզրակացությանը ծանոթ չեմ, ուրախ եմ, որ այսպես ասած, դրույթներ բարձրաձայնեցիք: Հիմա պարզաբանեմ: Եթե հիշողությունս չի դավաճանում, արձանագրեցիք, ավելի շուտ հղում կատարեցիք եզրակացությանն առ այն, որ 2007 թվականից առ այսօր անշարժ գույքի առուվաճառքի 24 գործարք է տեղի ունեցել: Այդ տեղեկատվությունը միանշանակորեն, չեմ ուզում ասել չի համպատասխանում իրականությանը, միգուցե կադաստրի բազայում առկա տվյալների հետ կա տեխնիկական խնդիր, կամ եթե այդ ինֆորմացիան հարցումով են ստացել, ապա այս դեպքում ամենայն վստահությամբ կարձանագրեմ, որ նման բան չի եղել: Այո անշարժ գույքի առուվաճառքի հետ կապված մեծաթիվ գործարքներ եմ արել և որպես պաշտոնյա եղած ժամանակահատվածում՝ 2015-19 թվականներն այդ գործարքների վերաբերյալ տեղեկություններն արտացոլված են իմ եկամուտների վերաբերյալ հայտարագրերի համապատասխան բաժիններում: Այս առումով միանշանակ հանգիստ եմ: Չգիտեմ, միգուց թյուրիմացություն է, կամ բազաներում առկա տվյալների անհամապատասխանություն է, բայց ինձ հետ կապված խնդիր միանշանակ չկա: Ինչ վերաբերում է 2017-20 թվականների բանկային հաշիվների շրջանառությանը, եթե ճիշտ հասկացա, շրջանառությունը 3 անգամ գերազանցում է եկամուտներս, ապա այստեղ խնդիրը թերևս հետևյալն է, եթե անձը օտարում է անշարժ գույք՝ գույքի օտարումից ստացած եկամուտները արտացոլվում է հայտարարգրի եկամուտների բաժնում, սրան զուգահեռ որպես եկամուտ ստացած գումարը նույն հաշվետու ժամանակահատվածում X բանկում կամ մի քանի բանկերում ներդրել եմ որպես ավանդ: Մինչև 2020 թվականը գործող կարգավորումների համապատասխան, որպես հանձնված փոխառություն, այդ նույն գումարի մասին է խոսքը: Հիմա հնարավոր են հաշվետու ժամանակահատվածում երբ օրինակ 30 կամ 40 հազար դոլարը տվյալ տարում ներդրել եմ որպես ավանդ և այնուհետև հանել եմ որպես ավանդ դրված գումարը և մեկ ամիս հետո նույն գումարը կրկին եմ ներդրել, ապա հասկանալի է, որ այս գումարների մեխանիկական հանրագումարների արդյունքում, ինչպես նշված է եզարակացության մեջ, շրջանառությունը պետք է գերազանցեր եկամուտներս: Այլ խոսքերով ասած եկամուտներս կապիտալացրել եմ, դրանք արտացոլվել են որպես ավանդ, կանխիկ չեմ պահել գույքի օտարումից ստացած եկամուտները և այո եղել են իրավիճակներ, երբ այդ գումարը հանել եմ և մի փոքր ավել կամ պակաս ներդրել եմ: Այս առումով հանգիստ եմ:
Անի Սամսոնյան. «Ձեր հայտարարագրերը ստուգել է Ձեր նախկինում աշխատած ինստիտուտին համարժեք գործառույթներն իրականացնող մեկ այլ ինստիտուտ՝ Հակակոռուպցիոն հանձնաժողովը, որը ևս շատ լավ գիտի, թե ինչպես ուսումնասիրել գույքի և եկամուտների հայտարարգրերը և տեխնիկական թերություններով պայմանավորել նման ճշտությունները, ես կարծում եմ, որ այստեղ իսկապես ավելի լուրջ պարզաբանման խնդիր կա: Երկրորդ հարցը՝ խնդրում եմ ասեք, մենք ձեզ նախորդ անգամ ընտրեցինք որպես Հակակոռուպցիոն հանձնաժողովի անդամ, դուք ստանձնեցիք անդամի լիազորությունները, սակայն նախագահի ընտրություններից հետո դուք որոշեցիք, որ հանձնաժողովում անելիք չունեք: Կստացվի՞ արդյոք այնպես, որ եթե քաղաքական մեծամասնությունը ձեզ ընտրեց և դուք գնացիք ՍԴ և եթե չընտրվեցիք ՍԴ նախագահ, կարո՞ղ եք որոշել, որ ՍԴ-ում անելիք չունեք»:
Էդգար Շաթիրյան. «Ես որևէ կերպ կասկածի տակ չեմ դնում հայտարարությունների վերլուծությունների սուբյեկտների և առհասարական այդ հանձնաժողովի մասնագիտական պատրաստվածությունը հայտարարգրերի վերլուծության առումով, բայց մյուս կողմից իմ բարեխղճության մասով լիովին վստահ եմ, առավել ևս՝ այդ գործարքների: Դրա համար եմ այսպես վստահ խոսում, եթե վստահ չլինեի՝ կասեի միգուցե լրացուցիչ պարզաբանումների անհրաժեշտություն կա, միգուցե հանգամանքներն ավելի մանրամասն շարադրվեն, որպեսզի կարողանամ իմ դիրքորոշումն արտահայտել: Սա է իմ պատասխանը, ես շատ հանգիստ եմ այս առումով: Կոռուպցիայի կանխարգելման հանձնաժողովից իմ հեռանալու առնչությամբ ես իշխող խմբակցությանը ներկայացրել եմ որոշակի պարզաբանումներ: Հնչել են բազմաթիվ հարցեր, ըստ էության նույնական հարցեր՝ տարբեր ձևակերպումներով: Կարծում եմ հարցի հետ կապված, հուսամ սխալվում եմ, այս հարցը շատ է շահարկվում առանձին անձանց կամ շրջանակների կողմից, ես չեմ ուզում որևէ մեկի հասցեին, հատկապես այս պատասխանատու ամբիոնի մոտ կանգնած որևէ ավելորդ արտահայտություն անել, բայց մարդիկ սա կարծես դարձրել են խաղաքարտ, կամ հաղթաթուղթ և փորձում են այս կամ այն կերպ օգտագործել իմ հրաժարականը: Թող մեծամիտ չհնչի, բայց հրաժարականի պատճառները ես հստակ շարադրել եմ հրաժարականիս տեքստում, չեմ վարանի կրկնվել: Այլ հարևց է, թե ինձ հետ ովքեր կհամաձայնեն, ովքեր՝ ոչ: Պատճառներից մեկը եղել առկա իրողությունների անհամատեղելիությունը պրոֆեսիոնալիզմի և թիմային աշխատանքի մասին պատկերացումներիս հետ: Մյուսը, որը ևս դարձավ լայն քննարկումների և շահարկումների առարկա, հրաժարականիս պատճառը բնավ Կոռուպցիայի կանխարգելման հանձնաժողովի նախագահի պապշտոնում չընտրվես չէր, բայց եթե ես լավ թե վատ 2015-19 թավականները պաշտոնավարել եմ, որպես Բարձրաստիճան պաշտոնատար անձանց էթիկայի հանձնաժողովի անդամ, ապա կարծում եմ առնվազն բարոյական առումով իրավունք ունեի հավակնել նոր մարմնի նախագահի պաշտոնոին: Իհարկե, ինձ վեր չեմ դասում մյուսներից, նրանք էլ հավասարապես ունենին: Խնդիրը պետք չէ դիտարկել միջանձնային հարաբերություններում, նման խնդիր երբևէ չեմ ունեցել, ես ինձ այդչափ մանրախնդիր մարդ չեմ համարում: Իրացնելով իմ այդ բարոյական իրավունքը՝ առաջադրվեցի կոռուպցիայի կանխարգելման հանձնաժողովի նախագահի պաշտոնում: Եթե ինձ ուղիղ եթերում, որին մասնակցում էին հայաստանյան գրեթե բոլոր լրատվամիջոցների ներկայացուցիչները, անվստահություն են հայտնում հանձնաժողովի նախագահի ընտրության պրոցեսի ժամանակ զուգահեռաբար բաց քվերակությամբ հանձնաժողովի 4-ից առնվազն 3-ը անվստահություն են հատնում, ես իրավունք ունե՞ի, կամ պարտավոր է՞ի կատարել հետևություններ: Կարծում եմ՝ պարտավոր էի»:
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
