Ձեր վստահելի աղբյուրը

Հանրապետության նախագահը Արմեն Սարգսյանը ՍԴ  անդամի թեկնածու  է առաջադրել Արթուր Վաղարշյանին:  Նրա որոշումը խորհրդարանում ներկայացրեց նախագահի աշխատակազմի ղեկավար Էմիլ Տարասյանը:

Վերջինիս խոսքով, 2018 թվականին ՀՀ նախագահի կարգադրությամբ ձևավորվել էր խորհրդակցական ժամանակավոր աշխատանքային խումբ և հայտարարվել ՍԴ անդամի թեկնածությունների ընդունման մասին: Ամփոփելով ստացված դիմումները՝  նախագահին էր ներկայացվել 3 թեկնածուի՝  Վահե Գրիգորյանի, Գոռ Հովհաննիսյանի և Արթուր Վաղարշյանի ցուցակը, որոնց հերթականությունը պայմանավորված է եղել աշխատանքային խմբի կողմից տրված դրական կարծիքների քանակով:

Տարասյանը տեղեկացրեց, որ Վահե Գրիգորյանին ԱԺ-ն ընտրել է 2019 թվականի մայիսին, Գոտ Հովհաննիսյանը հրաժարվել էր իր թեկնածության քննարկումից և այսօր առաջարկվում է Արթուր Վաղարշյանի թեկնածությունը:

Իմ քայլը» խմբակցության պատգամավոր Վահագն Հովակիմյանը նկատեց, որ Արթուր Վաղարշյանին այս գումարման խորհրդարանն արդեն մերժել է և հարց տվեց, թե ինչո՞ւ է երկրորդ անգամ ներկայացվել: Պատգամավորն այդ քայլում տեսավ սահմանադրական ինստիտուտների փոխադրաձ հարգանքի խախտման միտում:

Էմիլ Տարասյանը նկատեց, որ թեկնածուին Նախագահ Արմեն Սարգսյանը չի ընտրել, այլ խորհրդատվական խումբը և ինքնաառաջադրման սկզբունքն է գործել: Ըստ նրա արդարացված չէր լինի երկրորդ անգամ  այդ հնարավորությունը չտալ, այն դեպքում, երբ նույն ցուցակում ընդգրկված Վահե Գրիգորյանին նախկինում տրվել էր ընտրվելու երկրորդ հնարավորությունը:

Նախագահի աշխատակազմի ղեկավարը ներկայացրեց ՍԴ դատավորի թեկնածուի համառոտ կենսագրականը:

Արթուր Վաղարշյանը ծնվել է Գերղարքունիքի մարզի Լճաշեն գյուղում: Ավարտելով ԵՊՀ իրավագիտության ֆակուլտետը՝  այնտեղ ասիստենտի կարգավիճակում սկսել է դասավանդել 1993 թվականից: 1997 թվականին նրան շնորհվել է իրավաբանական գիտությունների թեկնածուի, իսկ 2013 թվականին դոկտորի գիտական աստիճաններ: Թեկնածուն 120 տպագրական աշխատանքների հեղիանակ է, որոնց մի մասը Սահմանադրությանն է վերաբերում: