Ձեր վստահելի աղբյուրը

ԱԺ այսօրվա նիստում «Իմ քայլը» պատգամավորական խմբակցության պատգամավոր Թագուհի Թովմասյան հարց  ուղղեց ՍԴ անդամի թեկնածու առաջադրված Երվանդ Խունդկարյանին. «Դուք և Ձեր որդիները ապրում եք Երևանում, բայց Ձեր որդիներից մեկը իր բանակային ժամկետային զինվորական ծառայությունն անցկացրել է  Երևանում: Մյուս որդին, որը հիմա ծառայում է, նորից, ինձ հասած տեղեկություններով, գտնվում է արտոնյալ պայմաններում և դիրքեր չի բարձրանում՝ այն պարագայում, երբ որ ինքներդ Մեղրիում եք ծառայել: Կուզենայի իմանալ, թե ինչպե՞ս է ստացվել, որ ապրելով Երևանում, Ձեր որդին ծառայել է Երևանում:

Երվանդ Խունդկարյան-Այն մարդիկ, ովքեր ինձ ճանաչում են, գիտեն իմ բնավորությունը գիտեն ընդհանրապես իմ վարքագիծն իմ ընտանիքի անդամների հարցում: Իմ ավագ որդին ծառայել է ազգային բանակում և ծառայությունն անցկացրել է պատվո պահակախմբի համապատասխան ստորաբաժանումում: Երկրորդ որդիս ներկայումս գտնվում է պարտադիր ժամկետային զինվորական ծառայության մեջ, որն անցկացնում է ՀՀ տարածքում տեղակայված զորամասերից մեկում և ասեմ նաև, որ  ծառայությունն իրականացնում է նույն մեթոդներով ու սկզբունքներով՝ ինչպոս բոլոր զինվորները և ներկա պահին, արդեն մեկ և կես ամիս է գտնվում է դիրքերում: Այնպես, որ այն տեղեկատվությունը, որը դուք ունեք, իրականությանը չի համապատասխանում: Իսկ թե ինչու է X և Y պարագայում Պաշտպանության նախարարության որոշմամբ զինվորը հայտնվել  է X կամ Y զորամասում, ես չէ որ այդ լուծումը կամ հարցի պատասխանը պետք է տամ: Ես որևէ միջոց այդ ուղղությամբ չեմ ձեռնարկել: Կրկնում եմ, ներկայում ծառայող իմ որդին, որևէ արտոնություն որևէ զինվորի նկատմամբ չունի և չի ունեցոլ, ինչպե և ավագ որդին:

Թագուհի Թովմասյան- Ես ուղակի ուզում էի իմանալ թե ձեր մասնակությունը ինչքան է եղել ձեր որդիների երևանում ծառայելու գործում: Երկրորդի դեպքում ուրախ եմ, որ արձանագրեցինք իրողությունը, կցանկանայի, որ նշեիք տարածաշրջանը, թե որտեղ է նա ծառայում: Կցանկանայի պարզաբանում մտցնեիք, նախկին օմբուդսմենի զեկույցի վերաբերյալ, որում մասնավորապես ասված էր, որ ժամանակին գործել է մի սխեմա՝ Արման Մկրտումյանի և փաստորեն ձեր գլխավորությամբ, որ բոլոր այն անցանկալի դատավորները, որոնք չեն իրականացրել ձեր հրահանգները և չեն կայացրել այն վճիռները, որոնք եղել են ցանկալի, այնուհետև կարգապահական պատասխանատվության են ենթարկվել, քանի որ Մկրտումյանը, լինելով կարգապահական հանձնաժողովի նախագահ, ունեցել է դատավորներին պատժելու այդ լիազորությունը:

Երվանդ Խունդկարյան-Ես նորից եմ կրկնում և հավաստում, որ որևէ միջամտություն ավագ որդուս ծառայության և դրա վայրի առումով ես ոչ ունեցել եմ, ոչ էլ կարող էի ունենալ և ոչ էլ ինձ թույլ կտայի այդ հարցով որևէ մեկին դիմել: Ինչ վերաբերում է Արման մկրտումյանի հետ ինչ-որ սխեմաներ մշակելուն և Ձեր բնորոշմամբ չենթարկվող դատավորների նկատմամբ կարգապահական պատասխանատվության միջոցներ ձեռնարկելուն, ապա ես պաշտոնապես իմ մասով հերքում եմ տեղեկությունը: Իմ կողմից նման որևէ գործողություն ոչ կատարվել է, ոչ էլ կարող էր կատարվել: Դատավորներին կարգապահական պատասխանատվության երնթարկելու հարցում ես՝ որպես քաղաքացիական և վարչական պալատի նախագահ, որևէ իրավասություն չեմ ունեցել և երբևէ, թե գրավոր, թե բանավոր նախաձեռնություն իմ կողմից չի իրականացվել: