Ձեր վստահելի աղբյուրը

«Պարացելսուս» ՀԿ ղեկավար Նունե Ներսիսյանն աբսուրդային է համարում  առողջապահության նախարար Արսեն Թորոսյանի հրամանի նախագիծը, ըստ որի՝ բուհերին ու միջին մասնագիտական հաստատություների 65 և ավել տարիք ունեցող բոլոր դասախոսներին պետք է ուղարկել հարկադիր պարապուրդի:

«Ինչ է նշանակում անորոշ ժամկետով հարկադիր պարապուրդի ուղարկել մարդուն, երբ Աշխատանքային օրենսգրքում չի կարգավորվում անժամկետ բառը: Թորոսյանի «հոգատարությունը» տարեցների հետ կապված ընդունելի չէ, ժամանակի հետ վերածվելու է անտարբերության»,- նշեց նա:

Նունե Ներսիսյանը հիշեցրեց, որ կորոնավիրուսի սկզբում վարչապետ Նիկոլ Փաշինյանը հայտարարել էր՝ մի վախեցեք, ավելի վտանգավոր է  տարեցների համար:

«Դուրս է գալիս, մեր երկրի ղեկավարությունը, հանձինս վարչապետի, նախարար Արսեն Թորոսյանի, հասարակությանը մի քանի շերետերի էին բաժնում, հիմա էլ բաժանում ենք ըստ տարիքի»,- նշեց նա:

Ն. Ներսիսյանի խոսքով, երեխաները դիմակներով նստում են դասերի, 4 ժամ մնում են փակ տարածությունում և չգիտես՝ ինչ կլինի հետո այդ երեխաների հետ:

«Դպրոցներում, բուհերում հավաքվում են աշակերտների, ուսուցիչների, ուսանողների ու դասախոսների անձնական տվյալները կապված նրանց առողջության հետ, ինչը հակասում է օրենքներին:

Ասվում է՝ տուբերկուլյոզ, սպիդ ունեցող երեխաները չպետք է մասնակցեն դասընթացներին:  Դուրս է գալիս այդ երեխաներին ասում ենք՝ արատ ունեք, նստեք տանը, մնացած երեխաների հետ չփշվեք,  երբ որ նրանք վարակակիրներ չեն: Խեղաթյուրում են այդ երեխաների ճակատագիրը, չարացնում, տրամադրում մյուս երեխաների դեմ: Ազգակործան ծրագիր է, ուզում են այս մարդիկ մինչև վերջ տանեն»,- ասաց նա:

«Պարացելսուս» ՀԿ ղեկավարի խոսքով, դիմակներ կրելով՝ ընկճում են երեխայի իմունիտետը: Նա համոզված է, որ մեկ ամսից դասերը կրկին կլինեն հեռավար, ու կրկին մեղքը գցելու են մարդկանց վրա, որ չկարողացան կատարել այն հրամանները, որոնք տրված էին:

Նրա կարծիքով, կլինի կորոնավիրուսի երկրորդ ալիք, իսկ վերջին շրջանում վարակակիրների թվի նվազումը կապում է եղանակի հետ, մարդիկ դուրս են գալիս, գիտակցում են, որ պետք է ավելի շատ լինեն մաքուր օդի, իրենց իմունիտետը բարձրացնեն:

«Ընդհանրապես, տեմպի նվազում լինում է այն ժամանակ, երբ մարդիկ կոլեկտիվ իմունիտետ են ձեռք բերում: Այսօր մարդկանց՝ դրսում լինելու, աչալուրջ լինելու շնորհիվ կոլետիվ իմունտետ ունեցանք, շղթան մի քիչ նվազեց: Այս ամենը կաճի, երբ ունենանք եղանակի վատացում, մարդիկ կմնան փակ տարածքներում»,- ասաց նա:

Ինչ վերաբերում է կորոնավիրուսից հիվանդների թվին, մահացության դեպքերին, նա նշեց, որ այս առումով կասկածներ ունի:

«Քանի դեռ կա Արսեն Թորոսյանը, Փաշինյանը որպես վարչապետ, մենք չենք ունենալու լիարժեք ու ճիշտ պատասխան: Հաջորդ կառավարության ժամանակ կունենանք հստակ պատասխան, նաև պատասխան կտան այդ մարդիկ, թեկուզ դիերի, վարակվածների համար, երեխաների կյանքը խեղաթյուրելու, մարդկաց այս վիճակում դնելու համար»,-ասաց Նունե Ներսիսյանը: