Իմքայլական պատգամավորն առաջարկում է ԲՀԿ առաջնորդին՝ միասին օրենսդրական նախաձեռնությամբ հանդես գալ

Քաղաքական 17:15 17/09/2020 Հայաստան

Իմքայլական պատգամավորն առաջարկում է ԲՀԿ առաջնորդին՝ միասին օրենսդրական նախաձեռնությամբ հանդես գալ

«Ինձ ճանաչողները, ընկերները գիտեն, որ ես սարսափելի ազնիվ եմ,նույնիսկ իմ անձի հանդեպ վտանգավոր ազնիվ»,- այսօր խորհրդարանում ասաց ԱԺ «Իմ քայլը» խմբակցության պատգամավոր Քրիստինե Պողոսյանը:

Նա նշեց, որ ինքը որոշել է այդպիսին լինել ԱԺ-ում, որովհետև իր համար ԱԺ-ից հետո կյանք կա, ոնց որ կյանք կար ԱԺ-ից առաջ.

«Նախորդ տարի ես փորձում էի նախագիծ շրջանառության մեջ դնել, որով առաջարկում էի, որ ԱԺ պատգամավորները հոգեբանական ստուգում անցնեն, նոր իրավունք ստանան լինել պատգամավոր:
Ես կարծում եմ, որ եթե ԱԺ պատգամավորներն են ընտրում դատախազին, որն անցնում է այդ չափորոշիչներով, խելամիտ է, որ ԱԺ պատգամավորը նախ ինքը անցած լինի այդ չափանիշներով: Զարմանալիորեն այդ ժամանակ շատ վատ արձագանքեցին ԲՀԿ խմբակցության պատգամավորները, ինչից ես զարմացա:

Իմ ընկերներն ինձ համոզեցին, որ այդտեղ ազատ ընտրության խախտում կա, որ ցանկացած մարդ կարող է լինել պատգամավոր: Ամեն դեպքում, ես որոշեցի առժամանակ հետ կանգնել այդ ճանապարհից՝ լսելով իմ ընկերներին»:

Սակայն, ԲՀԿ ղեկավարի այսօրվա հայտարարությունից հետո, որ պետք է բարձր պաշտոն ստանցնելուց առաջ անձինք հոգեբանական ստուգում անցնեն, Քրիստինե Պողոսյանը կրկին առաջարկում է օրենսդրական նախաձեռնությամբ հանդես գալ, բայց այս անգամ՝ ԲՀԿ ղեկավարի հետ միասին։

«Մտածում եմ՝ կարող է Գագիկ Ծառուկյանը համաձայնի միանալ ինձ այդ նախաձեռնության մեջ և միասին այդ նախաձեռնությունը բերենք և հասկանանք, թե արդյոք ԱԺ-ում ներկա 132 պատգամավորները կանցնե՞ն այդ ստուգումը և իրավունք կունենա՞ն ՀՀ քաղաքացիների համար օրենքներ մշակել ու հաստատել, թե՞՝ չեն կարողանա»,- նշեց նա:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: