Ձեր վստահելի աղբյուրը

Կառավարության շենքի առջև կրկին հավաքվել են կոշիկ և հագուստ ներկրող ու վաճառող տնտեսվարողները: Նրանք դեմ են մաքսային նոր կանոնակարգումներին, գնային քաղաքականությանը: Արդեն մի քանի անգամ բողոքի ակցիաներ են իրականացրել՝ բարձրաձայնելով իրենց խնդիրն ու ներկայացնելով պահանջը:

«Կտրուկ պատասխանել են՝ ոչ մի փոփոխություն, փոխզիջում չի լինելու, հավաքվել ենք մեր արձրագանքը հասցնելու վարչապետին: Գները մնում է  նույնը, իրենց որոշած գներն են:  Այս փոփոխությունն ազդելու է գնորդների վրա: Աշխատանք ունենք մեր գնորդների հետ, պետք է իմանան, որ իրենց  համար մատչելի 3000 դրամանոց մայկան դառնալու է 4000-4500 դրամ»,- ասաց ակցիայի մասնակիցը:

Նա նշեց, որ մեծածախ շուկաներն այսօր փակ են,  տարբեր քաղաքներում հագուստ վաճառողները նույնպես ակցիաներ են անելու:

Բողոքող առևտրականն ասաց, որ բարձրաստիճան պաշտոյաները  հայտարարել են՝ խթանում են տեղական  արտադրությանը:

«Մեր պաշտոնյաները սխալ հայտարարություն անելու իրավունք չունեն, քանի որ չեն խթանում տեղական արտադրությանը, այլ  խթանում են տեղական կարին,  բառիս բուն իմաստով, քանի որ ցանկացած տեղական  արտադրություն՝ կտորը, աքսեսուարները, սոսինձը, բոլորը ներկրվում է Թուրքիայից և Չինաստանցի: Դա  տեղական արտադրություն  չէ, այլ տեղական կար է»,- ասաց նա:

Նա նշեց, որ գրեթե ամեն օր բողոքի ակցիաներ են անում, պատասխան չկա, շատ վիրավորած են. «Երբ պետք էր գնալ վարչապետի հետևից, գնում էինք, այն ժամանակ լավն էինք: Բայց չենք կոտրվի»:

Բողոքող քաղաքացիներից մեկն ասաց. «Այս կարանտինի ժամանակ սահմանադրություն է  փոխում, դատավոր է փոխում, բերում է  անօրինական նստացում է  պաշտոնների: Տեսեք՝ դրանցից որ մեկը համապատասխան կրթություն ունի: Ինչքան ջահել կազմ կա, անփորձ երեխեքին բերել նստացրել է, ոնց ուզում է, այդպես անում է: Ինչու խաբեց  մեզ, եթե ի վիճակի չէր կառավարելու պետությունը, ինչու է մեզ այս վիճակի մեջ դրել: Նա պետք է տիրություն անի իր երկրի ժողովրդին, մտածի բոլոր ընտանիքների մասին, որոնք պետք է  հաց ուտեն, ապրեն, գոյատևեն, ոչ թե  ուզենա վերջին հացը ձեռքից վերցնի: Չէ՞ որ բոլորն էլ ապրել են ուզում: Նա պարտավոր է, չէ որ խոսք էր տալիս՝ ժողովուրդ ջան ձեզ հետ եմ, Հայաստանը մենք ենք, մեր ժողովուրդն է: Իսկ ո՞ւր է հիմա:  Պահանջում ենք մեզ միանա: Չենք ասում փող տվեք մենք ապրենք, մենք մեր փողերով պետություն ենք պահում, բյուջե ենք վճարում: Իսկ նա վերջին ձևով  խեղդում է, որ ժողովուրդը թողի, գնա: Նա պետք է մեզ աջակցի,  ամեն քայլի դիմի ժողովորդի շահերը պահի, ոչ թե վերջին ձևով ուզենա սնանկացնել ժողովրդին: Մենք ձեզ խնդրում ենք, դիմում ենք, ստիպում ենք՝ միացեք մեզ: Մենք ձեզ հետ ենք եղել, դուք պարտավոր եք լինել մեր կողքին: Մեզ հետ պետք է նստած լինեիք ինչպես տարիներ առաջ՝ ձեր ուսապարկը ձեր ուսին մեզ հետ էինք: Հիմա ի՞նչ եղավ ուսապարկը, խոստումները: Թե ով նստում է  վերևը, արդեն մոռանում է: Մի մոռացեք: Արդեն մոռացաք այդ ժողովրդին, մի մոռացեք՝ ժողովուրդը պետությունն է:
Մենք պահանջում ենք վարչապետին, ուրիշի հետ չենք ուզում զրուցել»:

Նա նշեց, որ եթե իրենց պահանջը չկատարեն, իրենք էլ թանկ կվաճառեն, ժողովուրդն էլ ավելի կսանանկանա, կթողնի ու կգնա երկրից:

«Ճանապարհները բացվեն՝ Հայաստանի 80 տոկոսը  կգնա: Պետք է ինքը ժողովրդին պահի, ժողովրդի գրպանին է կպնում:  Չեն ուզում մեզ լսել, իրենց ձեռք չի տալիս»,- նշեց բողոքող քաղաքացին:

Մեկ այլ բողոքող կին նշեց. «Այնպես են ուզում անել, որ ջահելները հագներին շոր չունենան, տռուսիկ-մայկով  դուրս գան: Ջահելն ուզում է երկու տաբատ, երեք մայկա ունենա: Այս ի՞նչ կարգ է»:

«Ի՞նչ եք ուզում: Ինչ կա տվել ենք ձեզ: Այսօր պարտքեր ունենք Թուրքիայում, վարկեր Հայաստանում: Ես չեմ կարող իրենց պահանջներով աշխատել: Իրենք գիտեն: Հենց ճանապարհը բացվի, կգնամ Թուրքիա, կաշխատեմ: Թող իրենք գնան, մտածեն:
Ամոթ է, վերջացրեք: Աշխարհը տառապում է վիրուսից, դուք եկել եք, թանկացումներ եք անում: Երբ երկու անգամ կբարձրացնեք Հայաստանի քաղաքացու աշխատավարձը, թոշակառուի թոշակը, այն ժամանակ կնստենք, կասեք՝ բարձրացել ենք աշխատավարձը, թոշակը և ձեր ապրանքի քաշի կիլոգրամը թանկացնում եմ: Ես համաձայն եմ, ոչինչ այս դեպքում թող վնաս կրեմ, բայց օգուտ լինի իմ երկրի քաղաքացուն»,- նշեց մեկ այլ առևտրական:

Մյուսը հավելեց. «Այսքան ժողովուրդը ամսական 20 միլիոն դոլար բյուջե փող է լցնում, որ թոշակ բաժանի, աշխատավարձ տա»: