Ձեր վստահելի աղբյուրը

Սահմանադրական դատարանում առ 2020 թ. հունիս 26-ը՝ մինչև ՍԴ փոփոխությունների ուժի մեջ մտնելը, քվորումի իրավազորության, որոշումների հետ կապված որևէ խնդիր չի եղել,  ՍԴ-ն իր բնականոն գործոեությունը իրականացրել է։ Լրագրողների հետ զրույցում ասաց ՍԴ դատավոր Արևիկ Պետրոսյանը։

«ՍԴ-ում ստեղծված իրավիճակի վերաբերյալ երեք խումբ հարցեր կան, որոնց վերաբերյալ հանրայնորեն իմ կարծիքը ներկայացրել եմ, որոնք պայմանավորված են սահմանադարական փոփոխություններով, ՍԴ դատարանի մասին օրենքի փոփոխություններով, ՍԴ բնական գործունեության կազմակերպման հետ կապված։

Այդ հարցերը մանրամասն գործընկերներին ներկայացվել է, այդ թվում նաև բնականոն գործունեությունը կազմակերպելու պատասխանատուի հետ, առաջարկներ են կատարվել խնդիրները հանգուցալուծելու առումով։ Բնականաբար, այս ամենը իրավական տիրույթում քննարկելու համար այդ լուծումների պատասախատուների հետ, որևէ քայլ չի կատարվել, որպեսզի խնդիրը հանգուցալուծվի։ Առ այս պահը սպասում ենք, որպեսզի այդ հարցերն իրենց լուծումները ստանան ու Սահմանադրական դատարանն իր օրինական գործունեությունը՝ սահմանադրական արդարադատությունը, սահմանադրական առաքելությունը, իրականացնի»,- ասաց Ա.Պետրոսյանը։

Նա նշեց, որ չի կարող պատասխանել՝ այս օրով կունենան հանգուցալուծում, թե ոչ, այնուամենայնիվ, այն հարցադրումները, որոնք  բարձրացված են ՍԴ գործունեությունն օրինական դաշտում տեսնելու հետ կապված, որևէ քայլ չի կատարվել։

Հարցին՝ ի՞նչ եք կարծում՝ ՍԴ-ն նոր կազմով ավելի մեծ վստահություն կունենա քաղաքացիների շրջանում, Ա. Պետրոսյանն ասաց. «Վստահության հետ կապված հարցը նախ և առաջ պայմանավորված է նրանով, թե ինչպես է դա գեներացվում, քաղաքական ուժերի կողմից ինչպիսի շեշտադրումներով են դրանք ներկայացվում, ինչ նպատակներ են հետապդնում»։

Հարցին՝ Հրայր Թովմասյանի հետ երկար ժամանակ այստեղ աշխատում էինք, արդյո՞ք դա ձեզ համար լինելու է առաջնորդող սկզբունք, եթե, օրինակ, նա ևս լինի ՍԴ նախագահի թեկնածուների շարքում, ՍԴ դատավորն ասաց. «Նախ և առաջ տեսնենք թեկնածությունը լինելու է, թե ոչ, առաջադրում, ինքնաառաջադրում լինելու է թե ոչ, որից հետո, կարծում եմ, առիթ կունենանք  տեսակետ արտահայտելու։ Փաստն այն է, որ ՍԴ նախագահ Հրայր Թովմասյանն իր պաշտոնավարման երկու տարիների  ընթացքում իր գործունեությունը  իրականացրել է այնպես, որ ՍԴ բնականոն գործունեության առումով  որևէ խնդիր չենք ունեցել, ստեղծվել են նորմալ մարդկային աշխատանքային փոխհարաբերություններ։ Գիտեք՝ ՍԴ-ն վերջին երկու տարիների ընթացքում ինչպիսի բարդագույն իրավիճակներում է  եղել, այդ ընթացքում մենք մասնագիտական առաքելությունը  իրականացրել ենք Հրայր Թովմասյանի՝ որպես ՍԴ  նախագահի պաշտոնավարաման  ժամանակահատվածում։

Շնորհակալություն եմ հայտնում Հրայր Թովմասյանին երկու տարիների ընթացքում ՍԴ նախագահի պարտականությունները,  լիազորությունները բարձր մակադակով իրականացնելու համար։

Շնորհակալություն եմ հայտնում իմ երեք գործընկերներին, որոնց  լիազորությունները  սահմանադրական փոփոխությունների արդյունքում դադարեցվել են լիազորությունների ժամկետն ավարտված լինելու հիմքով։ Նրանք պատշաճ մակարդակով, մասնագիտական բարձր  որակների շրջանակներում իրականացրել են իրենց սահմանադրական  առաքելությունը։ Իրենք զբաղվում են իրենց խախտված իրավունքների վերականգնմամբ։ Տեսնենք՝ իրադարձություններն ինչպես կզարգանան»։

Հարցին՝ արդյո՞ք կոռեկտ էր, երբ ՍԴ նախագահը քաղաքական հայտարարություններով էր հանդես գալիս, Ա.Պետոսյանն ասաց. «Հայտարարությունները քաղաքական են եղել,  թեչեն եղել, սուբյեկտիվ ընկալման շրջանակներում կարող է լինել։ Ինչ վերաբերվում է պարոն Թովմասյանի կողմից կատարված հայտարարություններին, կատարվել են այն հայտարարությունները, ինչը նպատակահարամար է գտել»։