Ես չեմ ուզում հարցը դիտարկել անձնային հարթությունում. ՍԴ դատավոր

Իրավունք 11:32 23/09/2020 Հայաստան

Ես չեմ ուզում հարցը դիտարկել անձնային հարթությունում. ՍԴ դատավոր

«Դեռ որոշում չկա, թե ով է լինելու Սահմանադրական դատարանի նախագահ, հարցը կքննարկվի ՍԴ աշխատակակարգային նիստում»,- լրագրողների հետ զրույցում ասաց ՍԴ նորընտիր դատավոր Էդգար Շաթիրյանը։

Նա նշեց, որ չի էլ կարողորոշում լինել, որովհետև դատարանի թե նախագահի, թե փոխնախագահի ընտրության հարցը լուծվում է փակ-գաղտնի քվեարկության արդյունքներով։

Լրագրողի դիտարկմանը, թե ՍԴ նորընտիր դատավոր Երվանդ Խունդկարյանի անունն է շոշափվում, ՍԴ նորընտիր դատավորն ասաց. «Տարբեր անուններ են շոշափվում, ես չեմ ուզում հարցը դիտարկել անձնային հարթությունում, ինձ համար առնվազն տեսականորեն դատարանի 9 դատավորներից 9-ն էլ կարող է հավակնել թե նախագահի, թե փոխնախագահի պաշտոնին»:

Հարցին, թե ինքը հավակնո՞ւմ է, Է. Շաթիրյանը պատասխանեց. «Թույլ տվեք այս պահին չպատասխանել, աշխատակարգային նիստը կմեկնարկի, միգուցե կլինեն դատավորների կողմից առաջադրումներ, միգուցե՝ ինքաառաջադրումներ։ Ըստ այդմ, քննարկման արդյունքներով պարզ կլինի»։

ՍԴ դատավորն ասաց, որ ինքն ի սկզբանե դատարանի շենք է մուտք գործել կառուցողական դրական տրամադրվածությամբ, իր խնդիրն է դատարանը հանարվորինս արագ անցնի բնականոն աշխատանքի, կուտակցած են բազամաթիվ գործեր, դիմումներ, որոնց պետք է ընթացք կամ լուծում տրվի։

Հիշեցնենք, որ այսօր Սահմանադրական դատարանում տեղի կունենա աշխատակարգային նիստ, որի օրակարգում է Սահմանադրական դատարանի նախագահի ընտրության հարցը: ՍԴ 9 անդամներից յուրաքանչյուրը կարող է և ինքնառաջադրվել, և առաջադրել այլ թեկնածուի:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: