Ձեր վստահելի աղբյուրը

Եվրոպական հաջորդ գագաթնաժողովում Ավստրիան ցանկանում է անկեղծորեն խոսել Անկարայի դեմ պատժամիջոցների մասին, այդ թվում`Թուրքիայի հետ անդամակցության բանակցությունները դադարեցնելու հնարավորության մասին: Այս մասին գրում է Euractiv-ը։

Ավստրիայի Եվրամիության և Սահմանադրության հարցերով դաշնային նախարար Կարոլին Էդտստադլերը  հայտարարել է, որ ԵՄ գագաթնաժողովում կքննարկվի թեմաների լայն շրջանակ. ԵՄ բյուջեն, ներքին շուկան, Brexit-ը և իրավիճակը Միջերկրական ծովում դրանցից մի քանիսն են:

Ավստրիայի առաջնահերթություններից նախարարը նշել է, որ պետք է հստակեցնել, թե ինչպես ԵՄ-ն պետք է շարունակի աշխատել Չինաստանի և Թուրքիայի հետ:

«Իհարկե, հարևան պետության համար ընդունելի չէ միջազգային իրավունքի խախտումն ու ռազմական նավերի բարձրացումը: Բոլոր անդամ պետությունների միաձայն կարծիքն է այս դեպքում ապավինել դեէսկալացիային: Բայց անհրաժեշտ կլինի քննարկել բոլոր հնարավորությունները, ներառյալ պատժամիջոցները: Նաև 2016 թվականից մենք կողմ ենք անդամակցության բանակցությունների դադարեցնելուն, քանի որ այն ժամանակից Թուրքիան արդեն հեռանում էր եվրոպական արժեքներից»,-ասել է նախարարը:

Նշենք, որ ԵՄ գագաթնաժողովը պետք է կայանար սեպտեմբերի 24-25-ին, սակայն հետաձգվել է հոկտեմբերի 2` ԵՄ խորհրդի նախագահ Շառլ Միշելի ինքնամեկուսացման պատճառով։