Ինչ ասել եմ, իմ ասածի տերն եմ, դեռ քիչ եմ ասել. Ծառուկյան
Երևանի ընդհանուր իրավասության դատարանի Կենտրոն նստավայրում այսօր քննվելու է ԲՀԿ առաջնորդ Գագիկ Ծառուկյանին կալանավորելու վերաբերյալ քննիչի միջնորդությունը:
Դատարանի դիմաց հավաքած են ԲՀԿ-ական քաղաքական գործիչներ, նաև Գ.Ծառուկյանի աջակիցներ, ինչպես նաև ՀՅԴ-ից Արծվիկ Մինասյանը, «Հայրենիք» կուսակցության խորհրդի անդամ Արսեն Բաբայանը:
Գագիկ Ծառուկյանը լրագրողներին ասաց, որ շատ բարձր տրամադրությամբ է եկել դատարան. «Ծառուկյանին ի՞նչ է եղել, որ տրամադրությունը լավ չլինի»:
Հարցին՝ մամուլում ձեր կալանավորման հետ կապված լուրեր են տարածվում, հնարավոր համարո՞ւմ եք, որ այսօր կարող է կալանավորվել, նա պատասխանեց. «Եթե մարդը խոսում է իր երկրի, ժողովրդի վիճակի մասին... Այսօր սոցիալական, տնտեսական, քաղաքական վիճակն այնպես ծանր է, որ երբեք չի եղել: Այսօր ամողջ աշխարհում մի պետություն չկա, որ գոնե աջակից լինի Հայաստանին: Ասել եմ ուղղեն, կարգավորեն վիճակը, թե չէ ավելի վատ է լինելու: Հունիսից մինչև հիմա ավելի լավ չի կարող լինել այս կառավարության կազմով, մարդիկ անփորձ են, չեն տիրապետում ոլորտը:
Ես նորից եմ ասում՝ ինչ ասել եմ, իմ ասածի տերն եմ, ամեն ինչ ժամանակը ցույց կտա: Եթե Ծառուկյանին այսօր ձերբակալելով ժողովորդի վիճակը կլավանա, աշխատավարձը կբարձրանա, հարկային պարտվորությունները կպակասեն, ուսման վարձը կնվազի, ներդրումները շատ կլինի, հարց չկա: Ինչ-որ ասել եմ, իմ սկզբունքին եմ, ավելի համոզված, դեռ քիչ եմ ասել: Կապրենք, կտեսնենք»:
Հիշեցնենք, որ հունիսի 21-ին Երևանի ընդհանուր իրավասության դատարանը՝ դատավոր Ռոբերտ Պապոյանի նախագահությամբ, մերժել էր Ծառուկյանին կալանավորելու միջնորդությունը: Դատարանի այս որոշման դեմ վերաքննիչ բողոք ներկայացրեցին թե դատախազությունը, թե պաշտպանական կողմը։ Վերաքննիչ քրեական դատարանը հուլիսի 8-ին մերժեց փաստաբանների բողոքը, իսկ դատախազության բողոքը մասնակի բավարարեց՝ բեկանելով դատարանի որոշումը և ուղարկելով նոր քննության։
Վերաքննիչ դատարանի այս որոշման դեմ և՛ պաշտպանները, և՛ դատախազությունը վճռաբեկ բողոքներ են ներկայացրել, սակայն Վճռաբեկ դատարանը մերժել է վարույթ ընդունել բողոքները և Վերաքննիչ դատարանի որոշումը մտել է օրինական ուժի մեջ։ Այլ կերպ ասած՝ դատարանը կքննարկի Վերաքննիչ դատարանի որոշմամբ նոր քննության ուղարկված գործը և Ծառուկյանին կալանավորելու նոր միջնորդություն չի ներկայացվել։
Հարակից հրապարակումներ`
- Պաշտպան. Գագիկ Ծառուկյանի գործով հանցագործության մասին հաղորդում է ներկայացվել
- Գագիկ Ծառուկյանի պաշտպանական թիմ. Ներկայանալու ենք դատարան
- Գագիկ Ծառուկյանի խափանման միջոցի հարցով հաջորդ դատական նիստը՝ սեպտեմբերի 25-ին
- Գագիկ Ծառուկյանի խափանման միջոցի հարցով նիստը չկայացավ
- Գագիկ Ծառուկյանի կալանքի հարցի քննությունը՝ այսօր
- Դատախազի խորհրդականն անընդունելի է համարում Ծառուկյանի կալանավորման վերաբերյալ հրապարակումները
- Գագիկ Ծառուկյան.Երկիրը շենացնելու գործում չկան սևեր ու սպիտակներ
- Գագիկ Ծառուկյանը յոթ առաջնահերթություն է նշել, որ որոնք օր առաջ պետք է իրականացնեն իշխանությունները
- Գագիկ Ծառուկյան. Էսօր ժողովրդին տուգանելուց, հարկերը բարձրացնելուց բացի, ի՞նչ եք արել
- Գագիկ Ծառուկյանը հավաքի մասնակիցների շրջանում հարցում անցկացրեց՝ «վարկ ունե՞ք»
- Եթե Ծառուկյանին ձերբակալելով ժողովրդի աշխատավարձը բարձրանա, Ղարաբաղի հարցը լուծվի, թող էլի ձերբակալեն. ԲՀԿ ղեկավար
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
