Ձեր վստահելի աղբյուրը

«Ինձ որևէ գործողություն հայտնի չէ, որևէ քայլ  իմ հանդեպ դեռ չի արվել, բայց ոչինչ չի բացառվում, այս իշխանություններից ամեն ինչ սպասելի է»,- Երևան քաղաքի ընդհանուր իրավասության դատարանի Կենտրոն և Նորք Մարաշ  նստավայրի դիմաց լրագրողներին ասաց Աժ ԲՀԿ խմբակցության անդամ Գևորգ Պետրոսյանը՝ պատասխանելով հարցին, թե հնարավո՞ր է  ձեր դեմ քրեական գործ հարուցվի: 

Հիշեցնենք, որ դատարանում ընթանում է ԲՀԿ առաջնորդ Գագիկ Ծառուկյանին կալանավորելու վերաբերյալ քննիչի միջնորդությունը:

Նա նշեց, որ եթե այսօր կալանավորեն Գագիկ Ծառուկյանին, քաղաքական հետապնդում է:

«Ոչ թե որ Ծառուկյանն իմ ղեկավարն է, ավագ ընկերը, այլ որպես իրավաբան եմ ասում՝  իրեն մեղասագրվող արարքը  հասարակական մեծ վտանգավորություն չներկայացնող արարք է,  որի համար օրենսդիրը սահմանել է նաև տուգանք որպես սանկցիա:

Այստեղ բացահայտ քաղաքական հետապնդում է գնում անձամբ Նիկոլ Փաշինյանի ցուցումով, որովհետև Փաշինյանի քիմքին  հաճելի չեղավ, որ Ծառուկյանն ասաց՝ այս  կառավարությունն ապիկար է, պետք է հրաժարական տա»,- ասաց Գ.Պետրոսյանը:

Հարցին, թե ինչո՞ւ չեք գնում խորհրդարան, նա պատասխանեց, որ առողջական խնդիր ունի, նաև խորհրդարանում աշխատանքային մթնոլորոտ չկա, ընդդիմության ցակացած նախաձեռնություն տապալվում է  հենց միայն նրա համար, որ ընդդիմությունն է ներկայացնում: 

«Ինձ համար այնտեղ աշխատանքային մթնոլորտ չկա: Եթե իմ քաղաքական ղեկավարի նկատմամբ հարգանք չլիներ, հավանաբար իմ նախաձեռնությամբ մանդատը վայր դրած կլինի»,- ասաց պատգամավորը:

Գ.Պետրոսյանն ասաց, որ իշխանությունը ԲՀԿ-ի, ՀՅԴ-ի ու «Հայրենիքի» հոկտեմբերի 8-ի համապետական հանրահավաքից է ցայտնոտի  մեջ ընկել, շատերի շաքարը բարձրացել է մինչև երկինք: 

Նշենք, որ ոստիկանությունը արձանագրություն կազմեց Գևորգ Պետրոսյանի նկատմամբ դիմակ չկրելու հիմքով: