Ձեր վստահելի աղբյուրը

ԿԱՄՔ հայկական արժեքների պաշտպանության հասարակական նախաձեռնությունը հանդես է  եկել կոչով, որտեղ ասված է.

«Սիրելի հայրենակիցներ,

Հայկական Արժեքների Պաշտպանության Կամք հասարակական նախաձեռնությունն այսօր առավոտյան Արցախի Հանրապետության վրա տեղի ունեցած հարձակումը և Ադրբեջանի կողմից սանձազերծված պատերազմը գնահատում է որպես վտանգավոր գործընթաց, որը սպառնում է մեր պետականությանը և համայն հայ ժողովրդի ճակատագրին:
Նկատի ունենալով ստեղծված իրավիճակը՝ գտնում ենք, որ նման իրավիճակում պարտավոր ենք համախմբվել հայ զորականի և հայոց բանակի շուրջ:
Ելնելով վերը նշված հույժ կարևոր դիտարկումներից՝ Կամքը հայտարարում է ցանկացած ձևաչափի բողոքի ակցիաների ժամանակավոր դադար, քանի դեռ ՀՀ և ԱՀ պետական սահմաններին չի վերականգնվի անդորրը: Սակայն վերը նշվածը չի նշանակում, որ Կամքը հրաժարվում է իր պահանջներից: Արայիկ Հարութունյանի հրաժարականի և սորոսի գասենյակի փակման պահանջները մնում են ուժի մեջ:

ՀՀ և ԱՀ դեմ սանձազերծված պատերազմի և տեղի ունեցող հարձակումների կանխարգելման կարևորության ու հրատապության համատեքստում Կամքը կարևորում է համահայկական համերաշխությունն ու ընդհանուր զորաշարժի անշրջանցելիությունը:

Նախաձեռնությունը ամենայն պատասխանատվությամբ սկսում է մոբիլիզացնել կամքականների և նախաձեռնության համախոհների ու աջակիցների շրջանում կամավորականների զինվորագրումը, ''Կամք''-ի ջոկատի ստեղծումը և տեղափոխումը դեպի մարտական գործողությունների դաշտ:

«Կամք» ջոկատը միավորվելու է «Սև Հովազներ» ջոկատի հետ:

Կեցցե Հայաստանի Հանրապետությունը և Հայոց անպարտելի բանակը: Հաղթելու՛ ենք»։