Ձեր վստահելի աղբյուրը

Արցախի Հանրապետության տարածքի շուրջ բախումները ամենածանրն են 2016 թվականից ի վեր, հաղորդում են տասնյակ զոհերի ու հարյուրավոր վիրավորների մասին: Երկուշաբթի օրը Մոսկվայում Հայաստանի դեսպանը ասաց, որ Թուրքիան հյուսիսային Սիրիայից շուրջ 4000 զինյալ է ուղարկել Ադրբեջան, և նրանք այնտեղ են կռվում, ինչը հերքում է Ադրբեջանը։

Սակայն, ինչպես գրում է Reuters-ը, երկու գրոհայինները, որոնք Թուրքիայի հովանավորության տակ գտնվող հյուսիսային Սիրիայի շրջաններում ապստամբների կողմից աջակցություն ստացող խմբավորումներից են, ասում են, որ նրանք տեղափոխվում են Ադրբեջան՝ համաձայնեցված Անկարայի հետ: Զինյալներն իրենց անունները չեն ասել։

«Ես չէի ուզում գնալ, բայց փող չունեմ: Կյանքը շատ ծանր է և աղքատ», - ասել է գրոհայիններից մեկը, որը Սիրիայում կռվել էր Ահրար ալ-Շամի համար, մի խումբ, որին աջակցում էր Թուրքիան:

Նշվում է, որ սիրիացի վարձկաններին ամիսը 1500 ԱՄՆ դոլար աշխատավարձ է տալիս։ Երկու տղամարդիկ էլ Reuters-ին ասել են, որ իրենց սիրիական բրիգադի հրամանատարներն ասել են, որ ամսական ստանալու են 1500 ԱՄՆ դոլար, ինչը մեծ գումար է Սիրիայի համար։

Վարձկաններից մեկն ասել է, որ իր հանձնարարությունը պայմանավորվել է Աֆրինում գտնվող Թուրքիայի կողմից աջակցվող Սիրիայի ազգային բանակի (SNA) մի պաշտոնյայի հետ, որը գտնվում է հյուսիս-արևմտյան Սիրիայի տարածքում, որը գրավվել է Թուրքիայի և նրա սիրիացի ապստամբ դաշնակիցների կողմից երկու տարի առաջ:

SNA-ի խոսնակը, որը սիրիացի ապստամբ խմբերի հովանու խումբն է, որին աջակցում է Թուրքիան, չի արձագանքել մեկնաբանության խնդրանքին:

Մյուս վարձկանը, SNA-ի հետ կապված «Ջաիշ ալ-Նուխբա» աշխարհազորայինից է, ասել է, որ իրեն ասել են, որ մոտ 1000 սիրիացիներ պատրաստվում են տեղափոխվել  Ադրբեջան: Այլ ապստամբներ, ովքեր նույնպես հրաժարվել են իրենց անունները տալ, 700-ից 1000-ի վարձկանների մասին են ասել։

Երկու տղամարդիկ, ովքեր անցյալ շաբաթ էին Reuters-ի հետ զրուցել, ասել էին,  որ սպասում են, որ կուղարկվեն սեպտեմբերի 25-ին, որպեսզի պահպանեն հաստատությունները, բայց ոչ թե կռվեն: Reuters-ը երկուշաբթի օրը չի կարողացել կապվել նրանց հետ`հաստատելու իրենց գտնվելու վայրը:

Նշվում է, որ Թուրքիայի հնարավոր ներգրավումը հակամարտության մեջ  նախօրեին լիրան փլուզեց՝  հասցնելով ռեկորդային ցածր մակարդակի դոլարի նկատմամբ:

Սիրիայի բարձրաստիճան ապստամբ Մուստաֆա Սեժարին չի հաստատել զինյալների տեղակայումը Ադրբեջանում, բայց ասել է, որ Թուրքիան «միակ հույսն» է մնացել Սիրիայի նախագահ Բաշար ալ-Ասադի հակառակորդների համար, որը ռուսների ու Իրանի հետ գրավել է Սիրիայում ապստամբների վերահսկողության տակ գտնվող տարածքների մեծ մասը։

«Մեր դաշինքը (Թուրքիայի) հետ տարբեր ձևեր ունի և իսկապես ընդհանուր ճակատագիր է։ Ես ընդհանրապես չեմ բացառում, որ Թուրքիան ռազմավարական ընտրություն դառնա սիրիացի երիտասարդների համար», - ասել է նա։

Թուրքիան արդեն օգտագործել է սիրիացի վարձկաններին՝ օգնելու արգելափակել այս տարվա սկզբին Լիբիայի մայրաքաղաք Տրիպոլիի վրա հարձակումը գեներալ Խալիֆա Հաֆթարի արևելքում գտնվող Լիբիայի ազգային բանակի կողմից, որին աջակցում է նաև Ռուսաստանը: