Ձեր վստահելի աղբյուրը

Վրացագետ Ալիկ Էրոյանցն, անդրադառնալով Վրաստանի վարչապետ Գեորգի Գախարիայի՝ Հայաստանին և Ադրբեջանին մեկ սեղանի շուրջ նստելու համար հարթակ տրամադրելու  առաջարկին, նկատեց, որ այն ողջունելի է, բայց ռազմական գործողությունների ֆոնին՝ շատ վաղ է խոսել դրա մասին: Նրա խոսքով,  պատերազմական նման լարված իրավիճակում Վրաստանը պետք է, որ նման դիրքորոշում ունենար, և ինչպես 2016 թվականին, այնպես էլ այսօր փորձում է պահպանել չեզոքությունը:

Նա նկատեց, որ վերջին տասնամյակում Վրաստատանում խորը արմատներ են գցել Թուրքիան և Ադրբեջանը՝ հատկապես տնտեսության բնագավառում և այդ պատճառով պետք է ողջունելի լինի Վրաստանի իշխանությունների ադեկվատ պահվածքը և չեզոքությունը, որը չդրսևորվեց նախկին իշխանությունների գլխավոր ներկայացուցիչ Սաակաշվիլու մոտ:

Փարձագետ Ջոնի Մելիքյանի խոսքով, շատ կարևոր է, որ այդ քաղաքականությունը նաև գործնականում կիրառվի:  Անդրադառնալով սոցցանցերում վիրահայերի տարածած տեղկատվությանը՝ փորձագետը նկատեց, որ պետք է շատ զգույշ լինել, քանի որ Ադրբեջանի քարոզչությունը փորձում է թիրախավորել մեր համայնքը,  հայ-վրացական, հայ-ռուսական հարաբերությունները: Նրա համոզմամբ,  փորձագիտական հանրության հետ վերլուծելով իրավիճակը,  պետք է նվազեցնել ռիսկերը, որպեսզի չբարդացնեն հարաբերությունները Վրաստանի և Իրանի հետ:

«Վրաստանի հայերի ամեն մի սխալ քայլ կարող է օգտագործեվել իրենց դեմ: Ադրբեջանցիների համայնքային ղեկավարների կողմից արդեն տեղի հայերի գործողությունները որակվել են «5-րդ շարասյուն» և «սեպարատիզմ» և նրանք փորձելու են բարդացնել հայ-վրացական հարաբերություները»,-իր գործընկերոջը լրացրեց Ջոնի Մելիքյանը:

Ալիկ Էրոյանցն էլ նկատեց, որ Վրաստանում լորջ քարոզչություն են իրականացնում Թուրքիան և Ադրբեջանը և ցանկացած տեղեկատվությունը, որը կարող է հայ-վրացական հարաբերություների վերա ոչ նպաստավոր իրավիճակ ստեղծել, թշնամու կողմից միանգամից որսվում է և օգտագործվում մեր դեմ: Փորձագետը գոհունակությամբ նկատեց, որ  տեղի հայ բնակչությունը այս օրերին դրսևորեց զգոնություն և ավելորդ լարվածություն չստեղծվեց:

Էրոյանցը նկատեց, որ ընտրությունների հետ կապված Վրաստանում բարդ  իրավիճակը  է և հնարավոր է արցախա-ադրբեջանական իրավիճակը ինչ որ կերպ շահարկվի ներքաղաքական պայքարում:

Անդրադառնալով Սաակաշվիլու հայտարարությունը՝ Էրոյանը նկատեց, որ կրկին Վրաստան վերադառնալ ցանկացող և  գլխավոր ընդդիմադիր քաղաքակն ուժի առաջին դեմքի և վարչապետի հիմնական հավանական թեկնածուի համր այն աբսուրդ էր:

Նա Սաակաշվիլու նման պահվացքը բացատրեց թուրք-ադրբեջանական վերնախավի հետ վերջինս ունեցած լավ հարաբերություններով:

«Չգիտեմ գուցե ընկել է թակարդը և հանդես է գալիս որպես թուրք-ադրբեջանական քարոզչամեքենայի մի մաս,»,- նկատեց Ալիկ Էրոյանցն  և հավելեց, որ դրանով նա վերջնականապես ջախջախեց իր հեղինակությունը: