Թուրքիան ցանկանում է մտնել Ռուսաստանի ավանդական ազդեցության գոտի. Ռուբեն Սաֆրաստյան
«Մի քանի անգամ Թուրքիայից հնչեցվեց, որ նա պատրաստ է Ռուսաստանի հետ կիրառել սիրիական մոդելը, երբ նրանց միջև հաստատվում է որոշ տակտիկական համագործակցությունը»,- անդրադառնալով Սերգեյ Լավրովի և Մևլութ Չավուշօղլուի համատեղ հայտարարությանը՝ շեշտեց Թուրքագետ Ռուբեն Սաֆրաստայնը:
Բանախոսը նշեց, որ չի կարծում, թե դրան կգնան ռուսները: Նա վերլուծելով Թուրքիայի առաջարկած մոդելը՝ բացատրեց, որ Սիրիայում ռուսները և թուրքերը եկած ուժեր են, իսկ հարավային Կովկասը դա ռուսական ավանդական ազդեցության գոտի է:
Սաֆրաստային խոսքով, Թուրքիան առաջարկում է, որպես հավասար պարտնյոր հանդես գա նաև Հարավային Կովկասում:
«Մենք տեսանք, որ սիրիական մոդելի արդյունքում տեղի ունեցավ Սիրիայի հյուսիսի օկուպացիա թուրքական բանակի կողմից, ինչպիսի անվանում էլ դրան տանք՝ անվտանգության, չեզոք, թե բուֆերային գոտի»,- շեշտեց Թուրքագետը և համոզմունք հայտնեց, որ դրան Ռուսաստանը չի գնա և այդ առաջարկը հեռանկար չի կարող ունենալ:
Նրա խոսքով, այդ մոդելի կիրառման համար կարող է խոչընդոտ հանդիսանալ նաև Իրանի գործոնը: Իսկ հայկական կողմը բազմիցս հայտարարել է, որ այստեղ խաղաղապահ ուժերի գտնվելու անհրաժեշտություն չկա:
«Թուրքիան փորձում է Հարավային կովկասում ընդլայնել իր ազդեցությունը ի հաշիվ Ռուսաստանի»,- հայտարարեց Ռուբեն Սաֆրաստյանը և հիշեցրեց, որ այդ մասին ինքը հայտարարել է մինչև թուրք-ադրբեջանական ագրեսիայի սկիզբը և հիմա աշխարհի տարբեր վերլուծական կենտրոններ գալիս են այս եզրակացությանը:
Նրա խոսքով, Թուրքիան նաև մարտավարական խնդիր է լուծում՝ ցանկանալով բանակցությունների վերսկսման դեպքում ձևաչափ փոխել, ինչի մասին հայտարարել է Էրդողան:
«Նրանք ցանակնում են բանակցություններում ստեղծել մի նոր ձևաչափ, որտեղ միջնորդների դերում հանդես կգան Թուրքիան և Ռուսաստանը, որը մեկ անգամ ևս Թուրքիային թույլ կտա ուժեղացնել իր ազդեցությունը տարածաշրջանում»,- նկատեց բանախոսը և կրկին համոզմունք հայտնեց, որ դրան ռուսաստանը չի գնա:
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
