Ձեր վստահելի աղբյուրը

Ոչնչացվել են  հակառակորդի հերթական հարձակողական խմբավորումները, որոնց մոտ եղել է ադրբեջանական դրոշ՝ վրան արաբերենով մակագրված «Ալլահ աքբար»՝ Ալլահը մեծ է արտահայտությունը։ Այս մասին նշվում է ՀՀ պաշտպանության նախարարության կայքում տեղադրված «Զինուժ» մեդիայի պատրաստած տեսանյութում։

Նշվում է, որ այն սովորաբար օգտագործում են ահաբեկչական խմբավորումները մարդկային զանգվածային կոտորած, ահաբեկչական հարձակում իրականացնելուց առաջ։

«Սա ևս մեկ ապացույց է այն մասին, որ արցախյան ռազմաճակատի թեժ մարտերում թշնամու շարքերում կռվում են վարձկան ահաբեկիչներ»,- նշվում է տեսանյութում։

Հիշեցնենք՝  սեպտեմբերի 27-ին ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։ Հրետակոծվել են նաև խաղաղ բնակավայրերը, այդ թվում մայրաքաղաք Ստեփանակերտը, Մարտունին, Մարտակերտը, Հադրութը: Բնակչությանը կոչ է արվել պատսպարվել։

Թե Հայաստանում, թե Արցախում հայտարարված է ռազմական դրություն և ընդհանուր զորահավաք։