Ձեր վստահելի աղբյուրը

«Լռել հնարավոր չէ, չեմ կարող ուրիշ բանի մասին մտածել, հնարավոր չէ այլ բանի մասին մտածել»,- ֆեյսբուքյան էջում տեղադրված տեսանյութում ասում է ռուսաստանաբնակ հայ երգչուհի Մարիամ Մերաբովան։

Նրա կարծիքով, բոլորին է հայտարարված պատերազմ, ուղղակի այն սկսվել է այստեղ:

«Այդ երկու տականքները միավորվել են: Նրանք մեզ ատում են, որովհետև մենք քրիստոնյա ենք, այս հողի տերն ենք, որն ուզում են գրավել ու իրենցը դարձնել:

Իմ ազգը մարտնչող է,  բայց խաղաղ են, պաշտպանող, իսկ նման մարտիկների հետ միշտ Աստվածն է»,- ասում է Մարիամ Մերաբովան:

Հիշեցնենք՝  սեպտեմբերի 27-ին ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։ Հրետակոծվել են նաև խաղաղ բնակավայրերը, այդ թվում մայրաքաղաք Ստեփանակերտը, Մարտունին, Մարտակերտը, Հադրութը: Բնակչությանը կոչ է արվել պատսպարվել։

Թե Հայաստանում, թե Արցախում հայտարարված է ռազմական դրություն և ընդհանուր զորահավաք։