Ձեր վստահելի աղբյուրը

«Իրավիճակը նորմալ է, սահմանները վերահսկվում են,- վստահեցնում է առաջնագծում կռվող զինծառայողը:

Նրա մարտական ընկերը շարունակում է. «Ամեն ինչ վերահսկվում է  մեր զինծառայողների կողմից, մեր մարտական դիրքերի պահպանությունը  կատարվում է  բարձր մակարդակով, որպեսզի ոչ մի թիզ հող չտանք թշնամուն»: 

«Հակառակորդը հարձակվել է մեր դիրքերի ուղղությամբ,  տվել ենք արժանի հակահարված, անձնակազմի դուխը բարձր է: Եթե  հաջորդ անգամ փորձի  նույն գործողություններն անի, անակնկալի է գալու»,- ասում է զինծառայողը:

Առաջնագծում կռվող զինծառայողներն ասում են՝  մինչև վերջ պատաստ են պայքարել  մեր հայրենիքի համար:

Տեսանյութը ներկայացրել է Արցախի Հանրապետության պաշտպանության բանակը:

Հիշեցնենք՝  սեպտեմբերի 27-ին ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։ Հրետակոծվել են նաև խաղաղ բնակավայրերը, այդ թվում մայրաքաղաք Ստեփանակերտը, Մարտունին, Մարտակերտը, Հադրութը: Բնակչությանը կոչ է արվել պատսպարվել։

Թե Հայաստանում, թե Արցախում հայտարարված է ռազմական դրություն և ընդհանուր զորահավաք։

Պատերազմը սկսկելուց տասն օր անց այսօր՝ հոկտեմբերի 6-ին առաջին անգամ ՀՀ ՊՆ-ն հայտարարեց, որ  գիշերը սահմանին համեմատաբար հանգիստ է անցել։