Ձեր վստահելի աղբյուրը

«Հարգելի միջազգային կառույցներ, աշխարհի երկրներ,  ձեր ամենամեծ թշնամու պատմական որոշումները ոչնչացրեք և տեր կանգնեք մի երկրի, որն աշխարհի քաղաքակիրթ երկրներից մեկն է: Միևնույնն է հայ զինվորը որոշել է, որ պետք է հաղթի և ավելին՝արդեն հաղթում է»,- հայտարարեց պատգամավոր Սոֆիա Հովսեփյան:

Նրա խոսքով, այսօր Հայաստանն ու Արցախը գործ ունեն աշխարհի ամենավտանգավոր պետության, ամենավտանգավոր ահաբեկիչների հետ, ովքեր չեն խնայում, ոչ մայր, ոչ ծեր, ոչ մանուկ, ոչ ջահել: Սոֆիա Հովսեփյանը տեղկացրեց, որ այս պահին հրթիռակոծվում է Ստեփանակերտը և նման հրթիռակոծություններից տուժում է նաև հարևան Իրանը:

Նրա խոսքով, աշխարհը բացի կոչերից, որևէ քայլ չի անում, իսկ այսօր հայ զինվորը կռվում է բոլորի դեմ, բոլորի փոխարեն:

Նա  միջազգային հանրությանը կոչ արեց գիտակցել, որ եթե թույլ է տրվում հերթական բարբարոսությունը, նշանակում է, որ համակերպվում են Թուրքիայի վաղեմի գաղափարախոսության հետ, իսկ հայ զինվորն աշխարհի փոխարեն միայնակ կռվում է Թուրքիայի դեմ: