Ձեր վստահելի աղբյուրը

Նիդերլանդների «Ազատության կուսակցության» ղեկավար, Ներկայացուցիչների պալատի  պատգամավոր Գերտ Ուիլդերսը դեռևս սեպտեմբերի 27-ին՝ Արցախի դեմ ադրբեջանա-թուրքական ագրեսիայի առաջին իսկ օրն իր աջակցությունն էր հայտնել Հայաստանին՝ խստագույնս արտահայտվելով Ադրբեջանի ու Թուրիքայի նկատմամբ։

«Դադարեցրեք իսլամական ագրեսիան ադրբեջանական հրոսակների կողմից, որոնց աջակցում է Թուրքիայի բռնապետ Էրդողանը, և աջակցեք մեր քրիստոնյա հայ ընկերներին»,-գրել էր Ուիլդերսը, ապա տարածել Էրդողանի նկարն ու հավելել․ «Դուրս հանեք (մեղմ ասաց․-խմբ) Թուրքիային ՆԱՏՕ-ից»՝ Թուրքիան ահաբեկչական պետություն է հեշթեգով։

Հայերին այս աջակցության համար Ուիլդերսին նամակ է հղել Նիդերլանդներում Ադրբեջանի դեսպանը, որում ամենակարևորը կարող ենք համարել այն, որ նամակի վերջում իր ստորագրությունը՝ անուն-ազգանունը  դնելու փոխարեն, դեսպանը գրել է պատգամավորի անունը՝ Գերտ Ուիլդերս։

Դեսպանի նամակը առիթ է տվել Ուիլդերսին ևս մեկ անգամ իր աջակցությունն հայտնել հայերին։

«Ես միշտ աջակցելու եմ իմ հայ քրիստոնյա ընկերներին՝ ընդդեմ Ադրբեջանի բռնի իսլամական բարբարոսության։

Փաստը, որ Հաագայում Ադրբեջանի դեսպանն ինձ ուղարկում է ատելության նամակ (hatemail) հստակորեն ապացուցում է իմ կարծիքը․ նրանց չի կարելի վստահել»,-ժամեր առաջ գրել է Ուիլդերսը։

I will always support my Christian Armenian friends against the violent islamic barbarism of Azerbaijan.

The fact that the Ambassador of Azerbaijan in The Hague sends me hatemail proves my point exactly: they cannot be trusted!#Armenia #SupportArmenia #Wilders #Azerbaijan pic.twitter.com/VR3sNwAQja

— Geert Wilders (@geertwilderspvv) October 6, 2020