Ձեր վստահելի աղբյուրը

ԻԻՀ խորհրդարանի նախագահի միջազգային հարցերով հատուկ օգնականը հայտարարել է, որ կովկասյան տարածաշրջանում պատերազմի շարունակությունը անպահովություն և անկայունություն կառաջացնի: Այս մասին գրում է parstoday-ը։

Հոսեյն Ամիր Աբդուլլահյանը երեքշաբթի օրը Թեհրանում ՀՀ դեսպան Արտաշես Թումանյանի հետ հանդիպման ժամանակ,  մտահոգություն է հայտնել Ադրբեջանի  և Հայաստանի միջև ռազմական բախման կապակցությամբ: Նա ասել է. «Բախումները ոչ մի ձեռքբերում չեն ունենալու, բացի այն, որ ապահովելու են  երրորդ կողմերի անօրինական շահերը և տարածաշրջանում պատերազմի տարածման պատճառ են դառնալու»:

Ամիր Աբդուլլահյանը հավելել է. «Իրանն ուշադիր հետևում է իրավիճակին և որևէ կողմի կողմի համար, իր ազգային անվտանգությունը պահպանելու հարցում զիջում չի անելու»:

Նա հույս է հայտնել, որ ԼՂ հիմնախնդիրը հնարավորինս շուտ կկարգավորվի, որպեսզի Հայաստանի  ու Ադրբեջանի միջև հաստատվի խաղաղ ու բարեկամական մթնոլորտ և  երկու երկրների տնտեսական ու հասարակական կյանքը  շարունակի զարգանալ:

Թեհրանում ՀՀ դեսպանն անդրադարձել է Իրանի կարևոր դերին՝ տարածաշրջանում խաղաղությանն ու անվտանգության հաստատմանհարցում, նշելով, որ Երևանի համար Իրանի հետ բարեկամական հարաբերությունների զարգացումը հատուկ նշանակություն ունի:

Անդրադառնալով Հայաստանի արտաքին քաղաքականութեան մէջ Իրանի  դիրքին,  Արտաշէս Թումանյանը շեշտել է երկու երկիրների միջև միջխորհրդարանական  կապերի ամրապնդման անհրաժեշտությունը:

Հանդիպման ընթացքում ՀՀ դեսպանը ներկայացրել Լեռնային Ղարաբաղի զարգացումները: