Ձեր վստահելի աղբյուրը

Թուրքիայի արտգործնախարարությունն արձագանքել է Լեռնային Ղարաբաղում Հայաստանի և Ադրբեջանի միջև հակամարտության վերաբերյալ Մարդու իրավունքների եվրոպական դատարանի հայտարարությանը: Այս մասին գրում է parstoday-ը։

Նախարարության խոսնակ Համի Աքսոյը  հայտարարել է, որ Մարդու իրավունքների եվրոպական դատարանի վճիռը, որը դատապարտում է  հակամարտության մեջ Թուրքիայի ներգրավվածությունը, չունի «օրինականություն»:

«Մարդու իրավունքների եվրոպական դատարանի կողմից նման որոշումը սատարում է Հայաստանի կեղծ հայցերին և սպառնում Մարդու իրավունքների եվրոպական դատարանի վստահելիությանը», - ասված է հայտարարության մեջ:

Հիշեցնենք, որ Մարդու իրավունքների եվրոպական դատարանը որոշել է միջանկյալ միջոց կիրառել՝ ընդդեմ Թուրքիայի՝ Հայաստանի կողմից ՄԻԵԴ ներկայացված դիմումի հիման վրա։

Հոկտեմբերի 4-ին Հայաստանի Հանրապետությունն իր և Արցախի Հանրապետության անունից Եվրոպական դատարանի կանոնների 39-րդ կանոնով նախատեսված միջանկյալ միջոցի կիրառման պահանջ էր ներկայացրել ընդդեմ Թուրքիայի՝ հաշվի առնելով Ադրբեջանի կողմից Արցախի Հանրապետության և Հայաստանի Հանրապետության քաղաքացիական բնակչության ու օբյեկտների վրա իրականացվող միջազգային մարդասիրական իրավունքի և Մարդու իրավունքների եվրոպական կոնվենցիայի կոպտագույն խախտումներով զուգորդված հարձակումներին Թուրքիայի բազմատեսակ աջակցությունը և շարունակական մասնակցությունը պատերազմական գործողություններին։

ՄԻԵԴ-ը կոչ է արել երկու կողմերին պահպանել Կոնվենցիայով նախատեսված իրենց գործառույթները, մասնավորապես այդ առնչությամբ 2-րդ հոդվածի (կյանքի իրավունք) և 3-րդ հոդվածի (խոշտանգումների և անմարդկային կամ նվաստացուցիչ վերաբերմունքի արգելք կամ)։