Մեր բոլոր գործընկերներին հասցրել ենք, որ Ադրբեջանը սնուցում է միջազգային ահաբեկչությունը. Էդմոն Մարուքյան

Քաղաքական 11:48 08/10/2020 Հայաստան

Մեր բոլոր գործընկերներին հասցրել ենք, որ Ադրբեջանը սնուցում է միջազգային ահաբեկչությունը. Էդմոն Մարուքյան

«Մեր բոլոր գործընկերներին կարողացել ենք հասցնել այն միտքը, որ Ադրբեջանը ահաբեկչական ներուժ է գործադրում, հետևաբար սնուցում է միջազգային ահաբեկչությունը և կապված է միջազգային ահաբեկչության հետ»,- ԱԺ ճեպազրույցների ժամանակ հայտնեց «Լուսավոր Հայաստան» խմբակցության ղեկավար Էդմոն Մարուքյանը և այն լուրջ ձեռքբերում գնահատեց ընդդեմ ահաբեկչական Ադրբեջանի:

Մարուքյանը տեղեկացրեց, որ Եվրոպայի խորհրդարանում նախրոդ օրը եղել են մեծ թվով շատ լավ պրոհայկական և պրոարցախյան ելութներ: Նրա խոսքով տեղի է ունեցել նաև Եվրոպայի խորհրդի մոնիթորինգի հանձնաժողովի փակ նիստ, որում որոշվել է որ հրատապ դեբատ է լինելու Արցախի խնդրով, որի մեկնարկի օրըվա մասին լրացուցիչ կտեղեկացնի: Պատգամավորը չբացառեց, որ դեբատների արդյունքում Եվրոպայի խորհրդի կողմից ռեզոլուցիա ընդունվի:

Էդմոն Մարուքյանի խոսքով, Հայաստանի Հանրապետությունը սեպտեմբերի 27-ից բոլոր տեղեկատվությունը փոխանցել է իր գործընկերներին և շարունակում է ակտիվ աշխատել նրանց հետ:

«Լուսավոր Հայաստան» խմբակցության ղեկավարը ժողովրդին կոչ արեց, որ զգոնությունը չկորցնեն, քանի որ կորոնավիրուսի վարակի թվերն այնպիսի արագությամբ են աճում, որ եթե այն շարունակվի լուրջ խնդիր կարող է ստեղծվել առողջապահական համակարգում:

«Հանուն մեր զինվորների մենք պետք զբույշ մնանք և չվարաքվենք»,-կոչ արեց պատգամավորը և փաստեց որ դրանով քաղաքացիները չեն ծանրաբեռնի մեր հիվանդանոցները և չեն խանգարի զինվորին բուժօգնություն ցույց տալուն:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: