Ձեր վստահելի աղբյուրը

ԲՀԿ առաջնորդ Գագիկ Ծառուկյանի փաստաբան Երեմ Սարգսյանը գրում է.

«Դե ինչ՝ Գլխավոր դատախազությունից ևս վերահաստատեցին, որ Գագիկ Ծառուկյանի կալանավորումը չի կրում քաղաքական բնույթ, որ այն զուտ իրավական գործընթաց է։

«Հավատում եմ հարգելիներս, հավատում եմ»։

Մարտիրոսյան Մնացը վկա՝ հավատում եմ։

Համ էլ հասարակությունը վաղուց գիտի, որ դատախազությունը երբեք քաղաքական պատվերներ չի կատարել»։



Հիշեցնենք, որ երեկ վերաքննիչ քրեական դատարանը, նախագահությամբ դատավոր Ռուզաննա Բարսեղյանի, մերժել է «Բարգավաճ Հայաստան» կուսակցության ղեկավար Գագիկ Ծառուկյանի խափանման միջոց կալանքը փոխելու վերաբերյալ միջնորդությունը: Ծառուկյանի փաստաբանները  կներկայացնեն վճռաբեկ բողոք:

Հիշեցնենք, որ Երևանի ընդհանուր իրավասության դատարանը, դատավոր Մնացական Մարտիրոսյանի նախագահությամբ,  սեպտեմբերի 25-ին բավարարել էր  ԲՀԿ առաջնորդ Գագիկ Ծառուկյանին կալանավորելու քննիչի միջնորդությունը։

Հունիսի 16-ին ԱԺ «Իմ քայլը» խմբակցության 87 պատգամավորներ փակ գաղտնի քվեարկությամբ նախ զրկել էին Գ.Ծառուկյանին անձեռնմխելիությունից, ապա համաձայնություն տվել նրան ազատությունից զրկելու հարցին։  Ազգային ժողովում ՀՀ գլխավոր դատախազ Արթուր Դավթյանը հայտնել էր, որ քրեական գործով ձեռք բերված ապացույցների համակցությունը բավարար հիմք է տալիս ԱԺ պատգամավոր Գագիկ Ծառուկյանին մեղադրանք առաջադրելու ԱԺ 2017 թվականի ապրիլի 2-ի ընտրություններին մասնակցած «Ծառուկյան կուսակցությունների դաշինքի» և դրա կողմից առաջադրված թեկնածուի օգտին քվեարկելու համար կաշառք տալը կազմակերպելու համար։