Ձեր վստահելի աղբյուրը

«Երկիր Ծիրանի» կուսակցության  նախագահ Զարուհի Փոստանջյանը կոչ  է ուղղել ՆԱՏՕ-ի գլխավոր քարտուղար Յենս Սթոլթենբերգին և ՆԱՏՕ-ի անդամ երկրների ներկայացուցիչներին։ Այս մասին տեղեկանում ենք կուսակցության տարածած հաղորդագրությունից։

«Թուրքեստան, Աֆղանստան, Անդրկասպիա, Պարսկաստան: Շատերի համար այս բառերը հնչում են բացառապես հեռավորության զգացողություն, կամ տարօրինակ փոխհարաբերությունների կամ մեռած սիրավեպի հիշողություն: Ինձ համար, խոստովանում եմ, դրանք կտորներ են շախմատի տախտակի վրա, որի վրա խաղում են խաղ աշխարհի գերիշխանության համար»:

Ջորջ Նաթանիել Քերզոն
Բրիտանական պետական գործիչ,  Հնդկաստանի փոխարքա (1898–1905)
Արտաքին գործերի քարտուղար (1919–1924)

ՆԱՏՕ-ի գլխավոր քարտուղար՝ Յենս Ստոլտենբերգին,
ՆԱՏՕ-ի մշտական ներկայացուցիչներին,
Երևան, 8 հոկտեմբերի, 2020 թվական

Հարգելի գլխավոր քարտուղար, Հարգելի ՆԱՏՕ-ի մշտական ներկայացուցիչներ,
2020թ. հոկտեմբերի 5-ին Անկարայում կայացած հանդիպումից հետո ՆԱՏՕ-ի գլխավոր քարտուղար Յենս Ստոլտենբերգը, ինչպես նաև Թուրքիայի արտաքին գործերի նախարար Մևլութ Չավուշօղլին համատեղ մամուլի ասուլիս են տվել լրատվամիջոցներին: Պրն Ստոլտենբերգը հայտարարել է, որ 30 երկիր ունեցող ռազմական դաշինքը խորապես մտահոգված է Ադրբեջանի և Հայաստանի միջև ռազմական գործողությունների սրմամբ: Այնուհետև պրն Ստոլտենբերգը նշել է, որ Թուրքիան պարտավոր է «գործադրել իր զգալի ազդեցությունը լարվածությունը հանդարտեցնելու համար»։

ՆԱՏՕ-ի Գլխավոր քարտուղար Յենս Ստոլտենբերգը Անկարա կատարած այցի ժամանակ քննադատել է նաև Թուրքիայի կողմից ռուսական արտադրության ՀՀՊ համակարգի գնումը և հորդորել է Անկարային աշխատել ՆԱՏՕ-ի իր դաշնակիցների հետ, որպեսզի հակաօդային և հակահրթիռային պաշտպանության կարիքների համար «այլընտրանքային լուծումներ գտնեն»։ Պրն Ստոլտենբերգը կրկնել է, որ ռուսական արտադրության Ս-400 համակարգը, որը Թուրքիան դեռ չի գործածել, չի կարող ինտեգրվել ՆԱՏՕ-ի հակաօդային համակարգին, և կարող են կիրառվել պատժամիջոցներ Ամերիկայի Միացյալ Նահանգների կողմից։

Վաշինգտոնն իր հերթին ասում է, որ ռուսական համակարգը վտանգ է ներկայացնում իր գաղտնի կործանիչների ծրագրի համար։
Ի պատասխան Ստոլտենբերգի՝ նախարար Մևլութ Չավուշօղլին հայտարարել է հետևյալը.
«Մենք ստիպված էինք գնել Ս-400, քանի որ չկարողացանք Պատրիոտ կամ այլ ՀՕՊ համակարգեր ձեռք բերել մեր դաշնակիցներից»: Ինչ վերաբերում է Լեռնային Ղարաբաղում և նրա հարակից տարածքներում շարունակվող բռնություններին, Մևլութ Չավուշօղլին հայտարարել է, որ «Ադրբեջանն իր տարածքում է կռվում, և փորձում են ահաբեկիչներից և օկուպանտներից հետ վերցնել իրենց սեփական տարածքը, իրենց հողը։ Եվ թե՛ օրենքի, թե՛ բարոյականության տեսանկյունից բոլորը պետք է առաջնահերթ աջակցեն Ադրբեջանին»:

Հարգելի Գլխավոր քարտուղար, Հարգելի մշտական ներկայացուցիչներ,
ՆԱՏՕ-ի հիմնական խնդիրն է ապահովել վստահելի ու արդյունավետ զսպում և պաշտպանություն: Այնուամենայնիվ, հաշվի առնելով նախարար Մևլութ Չավուշօղլիի կողմից արված վերոհիշյալ հայտարարությունները և Ադրբեջանի ու Թուրքիայի կողմից բազմիցս հնչեցված պահանջը՝ Թուրքիային ընդգրկել հակամարտությունների լուծման գործընթացում, մենք պահանջում ենք, որ ՆԱՏՕ-ն դադարեցնի դաշինքը ցեղասպան Թուրքիայի հետ: Մենք նաև դատապարտում ենք Ռուսաստանին ցեղասպան Թուրքիայի համար ռուսական հակահրթիռային համակարգի պաշտպանության մատակարարման համար:

Մենք պահանջում ենք դադարեցնել տրամադրել Թուրքիային ռազմական ապրանքներ, ինչպիսիք են զենք, զինամթերք, արկեր,նկարահանող սարքեր, տանկեր, ռազմական ինքնաթիռներ, ռազմանավեր և քիմիական միջոցներ:

Դուք չեք կարող անընդհատ չհամաձայնել մեզ հետ և ձևացնել, որ դա համաձայնագիր է ՆԱՏՕ-ի քաղաքակիրթ անդամի հետ:

Ադրբեջանի և Թուրքիայի հարձակումը Արցախի և Հայաստանի վրա, որն սկսվել է 2020թ. սեպտեմբերի 27-ին, և հետագա ռազմական գործողությունները հաստատվում են փաստերով, համաձայն որոնց` Թուրքիան և Ադրբեջանը ահաբեկչություններ էին ծրագրում՝ ուղղված արևելքի նվաճմանը: Այդ կապակցությամբ նրանք ահաբեկչական վարձկաններ են օգտագործում Հայաստանի դեմ:
Պետք է նշել նաև, որ Մարդու իրավունքների եվրոպական դատարանը 2020թ. սեպտեմբերի 29-ին և հոկտեմբերի 4-ին, համապատասխանաբար, որոշում կայացրեց միջանկյալ միջոցներ կիրառել Դատարանի կանոնակարգի 39-րդ կանոնի համաձայն, Հայաստանի կողմից ներկայացված Ադրբեջանի և Թուրքիայի դեմ՝ կապված Լեռնային Ղարաբաղի հակամարտության հետ:

Մասնավորապես, 2020թ. սեպտեմբերի 29-ին, կարծելով, որ ներկայիս իրավիճակը վտանգում է Կոնվենցիայի լուրջ խախտումները, Մարդու իրավունքների եվրոպական դատարանը (որպես յոթ դատավորներից կազմված պալատ) որոշում կայացրեց կիրառել Դատարանի կանոնակարգի 39-րդ կանոնը: Դատարանը և՛ Ադրբեջանին, և՛ Հայաստանին կոչ արեց` զերծ մնալ որևէ միջոցից, մասնավորապես` ռազմական գործողություններից, որոնք կարող են հանգեցնել Կոնվենցիայով նախատեսված` քաղաքացիական բնակչության իրավունքների ոտնահարմանը, ներառյալ նրանց կյանքը և առողջությունը վտանգի տակ դնելը, և պահպանել Կոնվենցիայով ստանձնած պարտավորությունները: Բացի այդ` Դատարանը 2020թ. հոկտեմբերի 6-ի որոշմամբ կոչ է արել բոլոր պետություններին, որոնք ուղղակիորեն կամ անուղղակիորեն ներգրավված են հակամարտության մեջ, ներառյալ Թուրքիան, ձեռնպահ մնալ գործողություններից, որոնք նպաստում են Կոնվենցիայով նախատեսված` քաղաքացիական անձանց իրավունքների խախտմանը, և հարգել իրենց ստանձնած պարտավորությունները` համաձայն Կոնվենցիայի:

Այսօր ոչ միայն Հարավային Կովկասը, այլ նաև հարևան խոշոր տարածաշրջանների աշխարհագրությունը թիրախավորվում է ՆԱՏՕ-ի անդամներից մեկի կողմից` Թուրքիայի, որը գործում է իր զավթողական նեո-օսմանյան տեսլականով և այդ նպատակով ահաբեկչություն է իրականացնում: Դժվար է համակերպվելը, թե ինչպես ՆԱՏՕ-ն ի վիճակի չէ կարգի բերել իր անդամ պետությանը։
Մենք անհապաղ հորդորում ենք ՆԱՏՕ-ի անդամ պետությունների իշխանություններին դուրս շպրտել Թուրքիային ՆԱՏՕ-ի կազմից, ինչպես նաև արագացնել դատական գործընթացը Ալիևի և Էրդողանի հանցավոր ռեժիմների դեմ՝ Բաքվում և Անկարայում։ Հորդորում ենք ՆԱՏՕ-ին կայացնել որոշում` Թուրքիային ստիպել զերծ մնալ որևէ ռազմական գործողությունից, որը կհանգեցնի Հայաստանի բնակչության՝ խաղաղ ապրելու իրավունքի խախտմանը։

Հարգանոք՝
Զարուհի Փոստանջյան, «Երկիր Ծիրանի» կուսակցության նախագահ
ՀՀ փաստաբաների պալատի անդամ»,-նշված է հաղորդագրությունում։