Ձեր վստահելի աղբյուրը

Ադրբեջանի նախագահ Իլհամ Ալիևը կարծում է, որ ԵԱՀԿ Մինսկի խմբի  համանախագահող երկրների կամզը՝ ՌԴ, Ֆրանսիա, ԱՄՆ, թարմացման կարիք ունի և որ Թուրքիայի դերը հակամարտության կարգավորման  գործընթացքում պետք է ուժեղացվի։ ՏԱՍՍ-ի հաղորդմամբ՝ ՌԲԿ-ին տված հարցազրույցում ասել է նա։

«Ես վերջերս եմ ասել հարցազրույցներից մեկում, որ Մինսկի խումբը ձևավորվել է շատ տարիներ առաջ՝ 1992 թվականին, այլ աշխարհաքաղաքական իրականության պայմաններում»,- ասել է Իլհամ Ալիևը։

Նա կարծիք է հայտնել, որ ԵԱՀԿ Մինսկի խմբի կազմը այլ կլիներ, եթե հիմա ստեղծվեր։

«Կազմը պետք է արտացոլի հակամարտության կողմերի մտադրություններն ու ցանկությունները, իսկ Մինսկի խմբի կազմը այն գործնականում չի արտացոլում»,- ընդգծել է Ալիևը։

«Նոր կոնտակտային խմբի կազմը կամ ինչ որ աշխատանքային խմբի, կարևոր չէ, ինչպես կկոչվի, պետք է արտացոլի տարածաշրջանում ուժերի առկա հավասարակշռությունը, տարածաշրջանի երկրների շահերը և պետք է միտված լինի արդյունքի»,- ենթադրում է Ադրբեջանի նախագահը։

«Եթե մենք ցանկանում ենք կարգավորել հակամարտությունը, ապա այն պետք է լուծվի նոր ֆորմատի շրջանակներոմ»,- կարծում է նա։

Պատասխանելով հարցին, արդյո՞ք Թուրքիան պետք է մեծ դեր խաղա կարգավորման գործընթացում, Ալիևն ասել է. «Անկասկած, այստեղ որևէ կասկած չի կարող լինել։ Թուրքիան պետք է և կխաղա կարևոր դեր հակամարտության կարգավորման գործում։ Իրավական թե դե ֆակտո, դա արդեն տեխնիկական հարց է։ Ես կարծում եմ, որ առայժմ վաղաժամ է այդ մասին խոսել, քանի որ ես արտահայտում եմ ադրբեջանական կողմի դիրքրքշումը»,- ասել է Ադրբեջանի նախագահը։

Ռիա նովոստին էլ գրում է, որ Ալիևը հայտարարել է՝ Բաքուն պատրաստ է անհապաղ բանակցություններ սկսել Երևանի հետ Լեռնային Ղարաբաղի հարցով։

«Մենք պատրաստ ենք վաղը սկսել, ամեն ինչ կախված է ԵԱՀԿ Միսնկի խմբի գործողություններից, նրանց աշխատանքի գրաֆիկից»,- ասել  նա ՌԲԿ-ին տված հարցազրույցում։

Միաժամանակ նա ասել է, որ «եթե հայկական կողմը հավատարիմ մնա հրադադարի ռեժիմին, ինչպես ես ասել էի երեկ, կսկսվի քաղաքական կարգավորման փուլը և կավարտվի բանկացություններին ստիպելու փուլը»։