Ձեր վստահելի աղբյուրը

Ադրբեջանական դիվերսիոն խումբն այսօր Հադրութում իրենց տան մեջ սպանել են երկու քաղաքացու՝ մորը և նրա՝ հաշմանդամություն ունեցող որդուն։ Թվիթերի իր միկրոբոլոգում հայտարարել է Արցախի Մարդու իրավուքնների պաշտպան Արտակ Բեգլարյանը։

«Ես պահանջում եմ միջազգային հանրությունից պատշաճ արձագանքել  Արցախ ժողովրդի դեմ կատարված հանցագործություններին և հետամուտ լինել այդ հանցագործներին պատժելուն»,-գրել է Բեգլարյանը։

#BREAKING!

An #Azerbaijan|i subvversive group today killed 2 civilians at their home in #Hadrut town – the mother & her son with #disability.
I demand from the intl community to give proper reaction to the crimes agnst the #Artsakh ppl & to pursue punishing those criminals.

— Artak Beglaryan (@Artak_Beglaryan) October 10, 2020
 

Հիշեցնենք, որ այսօր Արցախի Հանրապետության  պաշտպանության նախարարությունը հայտարարել էր.

«Նախքան հումանիտար հրադադարի հաստատումը ադրբեջանական կողմը դիվերսիոն-հետախուզական ներթափանցման փորձ է ձեռնարկել Հադրութի ուղղությամբ։
Չնայած հրադադարի հաստատումից անցել է շուրջ 3 ժամ՝ ներթափանցած խմբի շրջափակման և ոչնչացման գործողությունները շարունակվում են: Ռազմաճակատի մյուս հատվածներում համեմատաբար հանգիստ է: Ադրբեջանական կողմի գործողությունները, ըստ երևույթին, թելադրված են Հադրութը գրավելու մասին Ադրբեջանի նախագահի նախօրեին կատարած հայտարարությունը ապացուցելու նպատակով»։