![](https://panorama.am/news_images/794/2380774_1/jlbngf_3089.thumb.jpg)
Արցախում ադրբեջանական հարվածների հետևանքով զոհվել է 25 քաղաքացիական անձ, վիրավորվել 100-ից ավելի մարդ
Արցախի Հանրապետությունում ուժեղացված ռեժիմով աշխատանքներ են իրականացվում պատերազմի հենց առաջին օրվանից։ Այս մասին մամուլի ասուլիսի ընթացքում ասաց ԱՀ ԱԻ փրկարար ուժերի վարչության պետ Մեխակ Արզումանյանը։
«Ծառայության ողջ անձնակազմը կատարում է իր առջև դրված պարտականությունները։
Այս պահի դրությամբ հանրապետությունում ունենք 25 մահացած և 100-ից ավելի վիրավոր քաղաքացիներ, վնասվել է5800-ից ավելի ինչպես մշակութային, այնպես էլ հասարակական նշանակության բնակելի օբյեկտներ»,- նշեց նա՚
Մեխակ Արզումանյանի խոսքով՝ այս պահին ծառայության հիմնական գործառույթներն ուղղված են չպայթած զինամթերքի հայտնաբերման և ոչնչացման աշխատանքներին։
«Ծառայության տնօրենի ցուցումով, այդ բոլոր չպայթած զենք-զինամթերքը հայտնաբերվում, տեղափոխվում է Ստեփանակերտի տարածքից դուրս և ոչնչացվում»,- տեղեկացրեց Արզումանյանը։
ԱԻ պետական ծառայության հրդեհային և տեխնիկական անվտանգության տեսչության պետ Սասուն Սարուխանյանն էլ ասաց, որ փրկարարները թիկունքային առաջնագծում աշխատանքներ են իրականացնում։
«Երբ հրթիռակոծվեց, ապաստարաններում պատսպարվեց բնակչությունը՝ ԱԻՆ ողջ անձնակազմի ջանքերով։ Դրանից հետո խնդիր դրվեց ապաստանած բնակչությանն ապահովելու դեղորայքով, սննդով և անհրաժեշտ այլ իրերով։ Աշխատանքներին են միացել նաև ՀՀ մեր գործընկերները, ինչպես նաև ՀՀ ԲԸՏՄ խմբերը»,- ընդգծեց նա։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան