Ձեր վստահելի աղբյուրը

Թուրք-ադրբեջանական, ահաբեկչական ագրեսիայի սկզբնական պահից ի վեր սփյուռքում աննախադեպ մոբիլիզացիա է տեղի ունեցել։ Ասուլիսում ասաց Սփյուռքի գործերի գլխավոր հանձնակատար Զարեհ Սինանյանը։

«Մեր հայրենակիցները քաջ գիտկացելով, թե ինչպիսի օրհասական պահ է Հայաստանի համար, ինչ է դրված սեղանին, լծվել են գործին, որն արտացովում է մի քանի ուղղություններով»,- նշեց նա։

Զարեհ Սինանյանը տեղեկացրեց, որ այսօրվա  դրությամբ ՀՀ է փոխացվել մոտ 700 տոննա հումանիտար օգնություն աշխարհի տարբեր երկրներից՝ ՌԴ, ԱՄՆ, Ֆրանսիա, Եվրոպայի այլ երկրներ, Ջավախք, Թբիլիսի։ Օգնության փոխանցումը շարունակվում է։

«Այս պահին 100 տոննա օգնություն կա, որ պատրաստ է ԱՄՆ-ից գա Հայաստան, սակայն Թուրքիան արգելել է օդային տարածքով նույնիսկ մարդասիրական օգնություն հասցնելը, որի արդյունքում այս թռիչքը հետաձգվում է։ Ռուսաստանից ամեն օր  գալիս է մարդասիրական թռիչքներ, նաև ցամաքային ճանապարհով»,- ասաց նա։

Զարեհ Սինանյանն ասաց, որ ֆինանսական օգնությունն արտահայտվում է «Հայաստան» համահայկական հիմնադրամի նվիրաբերություններով։

«Աննախադեպ գումար է հավաքագրվել, մոտ 120 միլիոն դոլար, փաստացիորեն գիտենք, որ գոյություն ունի։ Կա նաև մեծ գումարներ, որոնք դեռ պետք է ստուգնվեն։ Այս օգնության կարևորությունը դժվար է թերագնահատել։ Մենք չգիտենք՝ որքան է  տևելու այս պատերազմը, հասկանում ենք, թե ինչպիսի  վնաս է կրել Հայատստան աշխարհը, ենթակառուցվածքները»,- նշեց նա։

Զարեհ Սինանյանն ասաց, որ մեծ թվով հայրենակիցներ կան, որոնք ցանկացել են ներկա լինեն հայրենիքում, ֆիզիկական աջակցություն  են ցուցաբերել։ Նա կարևորեց նաև ՌԴ-ից, ԱՄՆ-ից, եվրոպական երկրներից բժիշկների հոսքը դեպի Հայաստան։
​Նա կարևորեց հասարակական կարծիքի ձևավորման մեջ սփյուռքի դերը. «Թուրքիան, Ադրբեջանն ապականել են ողջ մեդիան, հասարակական կարծիքը կեղծ տեղեկություններով, պատմածքներով, թե ինչ է տեղի ունենում Արցախում, ինչից է առաջացել այս կոնֆլիկտը։ Սրա հիմնական մեր հակակշիռը սփյուռքի կողմից տարվող ինտենսիվ ու արդյունավետ աշխատանքն է։ Թուրքական, ադրբեջանական կառավարությունը մեծ թվով լոբբիստական կազմակերպություններ են վարձել, իրականությունը ներկայացում են աղավաղված, սրան էլ հակադարձում են մեր կազմակերպությունները»։

Զ. Սինանյանն ասաց, որ մամուլում թուրքական, ադրբեջանական իրականությանը չհամապատասխանող տեղեկատվությանը հակադարձում են բլոգերները, սոցիալական մեդիայի ակտիվիստները, համբավ ունեցող անձիք։

Նա նշեց նաև, որ աշխարհի տարբեր երկրներում տեղի են ունենում  ցույցեր, հանրահավաքներ, տարբեր երկրների օրենսդիր տարբեր մարմիններում նախաձեռնություններ  կան, որոնք փորձում են հասնել երկու կարևոր նպատակի՝ Արցախի անկախության ճանաչում միջազգային հանրության, տարբեր պետությունների կողմից, թուրք, ադրբեջանական ահաբեկչական խմբերի ագրեսիայի դատապարտումը տարբեր պետությունների կողմից։