Հարսը՝ Ղազանչեցոց եկեղեցուց. Սա մեր բողոքն է ու մեր պայքարը

Հասարակություն 17:13 24/10/2020 Արցախ

Հարսը՝ Ղազանչեցոց եկեղեցուց. Սա մեր բողոքն է ու մեր պայքարը

Թշնամու կողմից թիրախավորված ու մասամբ փլուզված Շուշիի Ղազանչեցոց Սբ. Ամենափրկիչ եկեղեցում այսօր պսակադրության արարողություն է եղել, ու ինչպես նշում է հարսը՝ սա իրենց բողոքն է ու իրենց պայքարը։

«Հատկապես այսքան զոհերից հետո մենք պետք է ստեղծենք նոր ընտանիքներ։ Խոստանում եմ՝ առնվազն երեք տղա եմ ունենալ։ Խոնարհվում եմ բոլոր զոհերի առաջ։ Հույս ունեմ՝ ինձ ճիշտ կհասկանան բոլորը, հայկական ընտանիքներ պետք է ստեղծվեն Արցախում»,- Առաջին ալիքի «Լուրեր» -ի հաղորդմամբ՝ ասում է հարսը։

Նրա խոսքով, իզուր չեն ընտրել Ղազանչեցոց եկեղեցին. «Թեև վիրավոր է, բայց, կարծում եմ, որ աշխարհի ամենաանկեղծ աղոթքներն այստեղ են հնչել։ Սա մեր բողոքն է ու մեր պայքարը»։

Փեսան նշում է. «Փառք մեր հերոսներին, ովքեր ընկան։ Թող նրանց փոխարեն ծնվեն նոր հերոսներ, որ հետագայում ոչ մեկ չհանդգնի նման գործողություններ անել»։

Հիշեցնենք, որ հոկտեմբերի 8-ին Ադրբեջանը երկու անգամ հարվածել է Շուշիի խորհրդանիշին՝ Ղազանչեցոց եկեղուցուն։

Ղազանչեցոց եկեղեցին համարվում է Արցախի հոգևոր ամենախոշոր կառույցներից մեկը: Ղազանչեցոց եկեղեցին XIX դարի հայկական ճարտարապետական արվեստի ուժի և հայ շինարարի կառուցող լինելու հանճարի վկայությունն է:
Պատերազմի տարիներին՝ 1989-ից, վանքը դարձել էր զինապահեստ, դրանից առաջ էլ ադրբեջանցիերը այն վերածել էին անասնագոմի: Արցախյան գոյամատի ընթացքում գնդակոծված Շուշիում զգալի վնասվել էր նաև Ղազանչեցոց եկեղեցին: Եկեղեցին վերջնականապես նորոգվել է մայիսյան հաղթանակից հետո՝ 1994-1998 թվականներին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: