Ձեր վստահելի աղբյուրը

Ավստրիայի կանցլեր Սեբաստիան Կուրցը, ի տարբերություն որոշ եվրոպական երկրների ղեկավարների, բազմիցս է հանդես եկել Թուրքիայի ու նրա ներկայիս ղեկավարության սուր քննադատությամբ ու պահանջել պատժամիջոցներ կիրառել վերջինիս նկատմամբ։

Կուրցն այս անգամ թվիթերում գրառում է արել՝ դատապարտելով Էրդողանի հայտարարություններն ուղղված Ֆրանսիայի նախագահ Էմանուել Մակրոնին։

«Ես դատապարտում եմ նախագահ Էրդողանի վիրավորանքներն ուղղված նախագահ Էմանուել Մակրոնին։ Նրանք կրկին ցույց են տալիս, որ Թուրքիան ավելի ու ավելի է հեռանում Եվրամիությունից և մեր ընդհանուր արժեքներից: Ամբողջական աջակցությունս և համերաշխությունս Ֆրանսիային»,- գրել է Կուրցը։

Նշենք, որ ԵՄ խորհրդի նախագահ Շառլ Միշելն էլ հայտարարել է, որ Թուրքիայի գործողություններն արդեն անտանելի են։

Ich verurteile die Beschimpfungen von Präsident Erdogan gegenüber Präsident @EmmanuelMacron. Sie zeigen erneut, dass sich die #Türkei immer weiter von der #EU und unseren gemeinsamen Werten wegbewegt. Volle Unterstützung und Solidarität für #Frankreich. @GillesPecout

— Sebastian Kurz (@sebastiankurz) October 26, 2020