Ձեր վստահելի աղբյուրը

Արցախի Մարդու Իրավունքների պաշտպան Արտակ Բեգլարյանը թվիթերի իր միկրոբլոգում  գրել է.

«Ադրբեջանը մի քանի ժամ ուժեղ հարվածներ է հասցնում Ստեփանակերտին, տասնյակ հրթիռներ արդեն խոցվել են։ Խաղաղ բնակչության շրջանում կան զոհեր ու վիրավորներ, կան ավերածություններ։ Մանրամասները ճշտվում են։ Հավանաբար այս պատերազմի ընթացքում սա ամենաագրեսիվ օրն է Ստեփանակերտի համար»։

Ավելի ուշ նա ներկայացնում է, թե ինչ ինտենսիվությամբ է Ադրբեջանը հարվածում Արցախի մայրաքաղաքին։

«Նորից ու նորից Ադրբեջանն այնպես ուժեղ  ու ինտենսիվ է  հարվածում Ստեփփանակերտին, որ անհնար է յուրաքանչյուր դեպքի մասին թվիթ անել, չենք կարող պատկերացում կազմել տուժածների ու ավերածությունների մասին։
Մի հավատացեք միջազգային հանրության ուժին ու կամքին։
Վստահեք Արցախի բանակին։
Ուզում եմ՝ հանցագործները պատժվեն»,-գրել է նա։

Թվիթերում իր հետևորդներին Արցախի մարդու իրավունքների պաշտպանը ներկայացրել է նաև, թե ինքն անձամվ ինչու է պահանջում դադարեցնել պատերազմը։

«Ես մեծացել եմ առանց հայրիկի, որը սպանվել է 1993-ին։
Ես կարցրել եմ իմ տեսողությունը 1995-ին։
Ես իմ շուրջբոլորը ողբերգությունների ականտես եմ։
Տեսնում եմ ինձ պես որբացած երեխաների։
Վստահ եմ, որ մարդկային արյունից ոչ ոք չի շահում, բացառությամբ բռնապետերը։
Համոզված եմ, որ ամեն մարդ արժանի է խաղաղության»։

Do you know why I personally demand to stop wars?
-Grew up without father killed in 1993;
-Lost my eyesight in 1995;
-See tragedies around me;
-See kids orphaned like me;
-Sure that noone benefits from human blood except for dictators;
-SURE THAT EVERYONE DESERVES #PEACE.

— Artak Beglaryan (@Artak_Beglaryan) October 29, 2020