Ձեր վստահելի աղբյուրը

ԵԱՀԿ Մինսկի խմբի համանախագահները հայտարարություն են տարածել Ժնևում կայացած բանակցությունների արդյունքների վերաբերյալ:

Հայտարարության մեջ ասվում է.

«ԵԱՀԿ Մինսկի խմբի համանախագահները (Իգոր Պոպով՝ ՌԴ, Ստեֆան Վիսկոնտի՝ Ֆրանսիա, Էնդրյու Շոֆեր՝ Ամերիկայի Միացյալ Նահանգներից) այսօր հանդես են եկել հետևյալ հայտարարությամբ.

Համանախագահները հոկտեմբերի 30-ին Ժնևում առանձին-առանձին և համատեղ հանդիպել են ՀՀ ԱԳ նախարար Զոհրաբ Մնացականյանի և Ադրբեջանի արտգործնախարար Ջեյհուն Բայրամովի հետ: Հանդիպումներին մասնակցում էր նաև և ԵԱՀԿ գործող նախագահի անձնական ներկայացուցիչ Անջեյ Կասպրշիկը: Նրանք նաև խորհրդակցություններ են անցկացրել ՄԱԿ-ի փախստականների հարցերով գերագույն հանձնակատար Ֆիլիպո Գրանդիի և ԿԽՄԿ նախագահ Պիտեր Մաուրերի հետ:

Համանախագահները վերահաստատեցին իրենց կոչը կողմերին ամբողջությամբ կատարելու իրենց պարտավորությունները, ներառյալ հումանիտար հրադադարի անհապաղ հաստատումը` համահունչ հոկտեմբերի 10-ին Մոսկվայի համատեղ հայտարարությանը, որը կողմերը հաստատեցին Փարիզի հետ հոկտեմբերի 17-ին և հոկտեմբերի 25-ին Վաշինգտոնում:

Չվնասելով զինադադարի կամ այլ պարտավորությունների կատարումը, կողմերը պայմանավորվեցին անհապաղ ձեռնարկել մի շարք այլ քայլեր, այդ թվում.

- Կողմերը կանխամտածված չեն թիրախավորելու խաղաղ բնակչության կամ ոչ ռազմական թիրախները՝ համաձայն միջազգային մարդասիրական իրավունքի,

- Կողմերն ակտիվորեն հետամուտ կլինեն ռազմաճակատում մնացած աճյունների խլյակների վերականգնման ու փոխանակման գործընթացին՝ ԿԽՄԿ-ին և ԵԱՀԿ գործող նախագահի անձնական ներկայացուցչին տրամադրելով անհրաժեշտ անվտանգության երաշխիքներ փոխգործակցության համար,

- Կողմերը մեկ շաբաթվա ընթացքում ԿԽՄԿ-ին և ԵԱՀԿ գործող նախագահի անձնական ներկայացուցչին կփոխանցեն ներկայումս պահվող ռազմագերիների ցուցակը` հասանելիության և հնարավոր փոխանակման նպատակներով,

- Կողմերը գրավոր կներկայացնեն մեկնաբանություններ և հարցեր հրադադարի ռեժիմի հսկման հնարավոր մեխանիզմների վերաբերյալ` համաձայն հոկտեմբերի 10-ի համատեղ հայտարարության 2-րդ կետի:

- Կողմերը բաց և առարկայական մտքերի փոխանակություն իրականացրեցին՝ պարզելու համապարփակ լուծման հիմնական տարրերի վերաբերյալ իրենց բանակցային դիրքերը՝ համաձայն հոկտեմբերի 10-ի համատեղ հայտարարության 3-րդ կետի:

Համանախագահները կշարունակեն ինտենսիվ աշխատել կողմերի հետ` հակամարտության խաղաղ լուծումը գտնելու համար»: