Գերեվարված ահաբեկիչ. Ասված էր՝ ով սրտից թույլ է ու վախկոտ, թող հաբեր խմի
ՀՀ քննչական կոմիտեի քրեագիտական վարչությունում շարունակվում է Արցախի Հանրապետության շփման գծի ողջ երկայնքով Ադրբեջանի Հանրապետության ռազմաքաղաքական ղեկավարության կողմից սանձազերծված և վարվող ագրեսիվ պատերազմի, միջազգային ահաբեկչության, զինված ընդհարումների ժամանակ միջազգային մարդասիրական իրավունքի նորմերի լուրջ խախտումներ կատարելու, զինված ընդհարման ժամանակ հանցավոր հրաման արձակելու, վարձկանության դեպքերով հարուցված քրեական գործի նախաքննությունը։
ՀՀ Քննչական կոմիտեից հայտնում են, որ հոկտեմբերի 31-ին վարույթն իրականացնող մարմնի կողմից ՀՀ քրեական օրենսգրքի 389-րդ հոդվածի, 390-րդ հոդվածի 1-ին մասի 1-ին կետով և 3-րդ մասի 1-ին, 2-րդ կետերով և 395-րդ հոդվածի 3-րդ մասով նախատեսված առերևույթ հանցավոր արարքների կատարման կասկածանքով ձերբակալվել է Սիրիայի Արաբական Հանրապետության քաղաքացի Մուհհռաբ Մուհամմադ Ալ Շխերը:
ՔԿ-ն ներկայացրել է կասկածյալ Մուհհռաբ Մուհամմադ Ալ Շխերի հարցաքննությունից մեկ հատված:
Նա ազգությամբ արաբ է, Սիրիայի քաղաքացի։ Աշխատել է Սիրիայում որպես բանվոր։ Մուհհռաբ Մուհամմադ Ալ Շխերը պատմում է, որ սեպտեմբերի կեսերին արդեն իմացել է, որ Արցախում՝ ՀՀ-ի և Ադրբեջանի միջև պատերազմ է։ Այնուհետև «Սուելյման Շահ» խմբավորման գլխավոր հրամանատարի կողմից մարդ է ուղարկվել իրենց մոտ՝ երիտասարդների հավաքագրելու առաջարկով։
Նա մանրամասն ներկայացնում է, թե ինչպես են հավաքագրվել ու մեկնել Քիլիս քաղաքի հարակից տարածք, որտեղ տեղակայված են տարբեր խմբավորումների հրամայական կազմը։ Այնտեղ ներկա է եղել «Սուլեյման Շահ» խմբավորման գլխավոր հրամանատար Աբու Համշա մականունով անձը։
Նրանք հոկտեմբերի 17-ին հատել են Թուրքիայի սահմանը, սահմանապահները, ոստիկանները նրանց որևէ հարց չեն տվել։ Թուրքիայի քաղաքացիական օդանավակայանում նույնպես հարցեր չեն տվել, անձնագրեր չեն պահանջել։ Ինքնաթիռում տեսել է Թուրքիայի ԶՈւ դրոշով ու զինվորական համազգեստով թուրք զինվորականի։ Տեղափոխվել են Թուրքիայի մեկ այլ օդանավակայան, այնտեղից՝ Ադրբեջան։
Նրանց տեղափոխել են Ադրբեջանի ռազմական օբյեկտներից մեկը, տվել ադրբեջանակն ԶՈւ համազգեստ ու զենք։
«Մենք բոլորս զինված էինք, Ադրբեջանի զինվորականներն ասել էին, որ պետք է կռվենք հայերի դեմ։ Տեղում կային նաև Թուրքիայի ԶՈւ զինծառայողներ, կրում էին թուրքական ԶՈւ համազգեստ։
Թուրքիայի զինվորականները հիմնականում մասնագիտակացված էին և կցված էին հրետանային միջոցներին։ Թուրքերի մեջ կային և ղեկավար անձնակազմի զինվորականներ, և շարքային»,- ասում է սիրիացին։
Շուրջ 200 հոգու հրաման է տրվել գրավել հայկական գյուղերից մեկը, ասվել է, որ այնտեղ մարդ չի բնակվում։ Միևնույն ժամանակ հանձնարարվել է, որ գյուղում ոչ ոքի կենդանի չթողնել։ Երբ մոտեցել են գյուղին, երկու կողմերից հայերը սկսել են կրակ արձակել։ Նա վիրավորվել է ոտքից ու ձեռքից, խնդրել է խմբի անդամներին օգնել, սակայն հրաժարվել են ու հեռացել։
Նա նշում է, որ իրենց ասված էր՝ ով սրտից թույլ է ու վախկոտ, թող հաբեր խմի, դրանք խմելուց հետո մարդ դառնում է անվախ։ Խմբի անդամները խմում էին։
Սիրիացին պատմում է, որ Թուրքիայի ԶՈւ աջակցում է Ադրբեջանին հայերի դեմ սեպտեմբերի 27-ից ընթացող պատերազմում, մասնավորապես աջակցում է հրետանիով, ղեկավարում ռազնական գործողությունները, ԱԹՍ-ները կառավարվում էԹուրքիայի ԶՈւ զինծառայողների կողմից։
«Մեր ահաբեկչական խմբավորումների ներգրավումն Ադրբեջանի կողմից նպատակ ուներ ապակայունացնել Արցախի ներքին վիճակը՝ հրկիզումներ, պայթյուններ, մարդկանց ոչնչացնել, այսինքն ոչ մեկին կենդանի չթողնելու հրամաններ էր արձակե»,- նշում է նա։
Ահաբեկչական խմբավորումները, ըստ նրա, ֆինանսավորվում էին Թուրքիայի կողմից։ Զենքը նույնպես հատկացնում էր Թուրքիան։
Հարակից հրապարակումներ`
- Արցախի բնակավայրերի բնակիչները ժամանակին տարհանվել են. ՊՆ ներկայացուցիչ
- Ձերբակալվել է Թուրքիայի կողմից Ադրբեջան ուղարկված ահաբեկչական խմբավորման անդամը․ Գլխավոր դատախազություն
- Արցախի ՄԻՊ. Չորս ռազմագերի սպանվել է
- Արցախի ՄԻՊ-ը պատրաստել է հայ ռազմագերիների հանդեպ անմարդկային վերաբերմունքի դեպքերը ներկայացնող երկրորդ զեկույցը
- Ադրբեջանցի ռազմագերի. Հրաման էր տրված՝ ոչնչացել հայ զինվորներին, գրավել ու տեղակայվել հայերի մարտական դիրքերում
- Ապատեղեկատվություն է, որ տարածված տեսանյությում երևացող անձը հայերեն խոսող ադրբեջանցի ռազմագերի է. Վարդանյան
Լրահոս
Տեսանյութեր
Իրավապաշտպան. Ադրբեջանի համագործակցության կոչ-առաջարկն իրավական հիմնավորումներ չունի
