Ձեր վստահելի աղբյուրը

Ամերիկացի փիլիսոփա, աստվածաբան, գրող, գրաքննադատ, դերասան և քաղաքացիական իրավունքների պաշտպան Քորնել Ռոնալդ Ուեսթը Լոս Անջելեսի համալսարանում հոկտեմբերի 31-ին տեղի ունեցած  Լեռնային Ղարաբաղի հակամարտության թեմայով գիտաժողովին համերաշխության ուղերձ է հղել, ինչպես ինքն է ասում պատմական մի ժողովրդի։

Քորնել Ռոնալդ Ուեսթը խոսքերն սկսում է Մեսրոպ Մաշտոցի հայերեն գրած առաջին բառերով՝ «Ճանաչել զիմաստութիւն եւ զխրատ, իմանալ զբանս հանճարոյ», ասում, որ այն վճռական հիմք է գոյատևող և ծաղկող հայ ժողովրդի համար։  Նշում է, որ մարդկության պատմության մեջ հազվադեպ է պատահել, որ մի ժողովուրդի ինքնությունը այնքան հիմնովին կենտրոնանա Հիսուս անունով պաղեստինցի հրեայի ու քրիստոնեության վրա։

«Ունիվերսալիզմը, ինտերնացիոնալիզմը, ուստի Երուսաղեմի մարգարեական ժառանգության և Աթենքի Սոկրատական ժառանգության մեջ արմատավորված հայ լինելու բնորոշ առանձնահատկությունն այն է, որ մենք սկսում ենք համերաշխությունից»,-ասում է գիտնականը:

Նշում է, որ ներկայումս նեոֆաշիստները լարումներ են առաջացնում ամբողջ աշխարհում։
Ասվում է, որ երբ խոսքը գնում է պատմության, սպանության, խելագարության, բնաջնջումների, Ադանա, Համիդիան, Ռաֆայել Լեմկինը  ցեղասպանություն բառն կիրառեց մտքում ունենալով հայ քույրերեին ու եղբայրներին։

«Այդ պատմությունը չպետք է մեզ պարալիզացնի, կուրացնի։ Մենք չենք ատում Ադրբեջանից, Թուրքիայից, Օսմանյան կայսրությունից քույրերին ու եղբայրներին, մենք ատում ենք գերիշխանությունը, բնաջնջումը և հպատակությունը։ Ինչո՞ւ, քանի որ մենք էլ ունալ գերիշխելու, ատելու մյուսներին, բայց մենք մերժում ենք լուռ լինել, մերժում ենք ձայներս կտրել, երբ մեր սիրելիներին հպատակեցնում են, գերիշխում են ու ոչնչացնում են»,-ասում է Ուեսթը, խոսելով հայկական հարուստ մշակույթի մասին, հիշատակելով Վիլյամ Սարոյանին, որը կարևոր ազդեցություն է ունեցել իր մտածողության վրա։

Ուեսթը կոչ է անում չընկճվել, թույլ չտալ ոչ մի բանի մարել կրակը։

«Այն սուրբ կրակը, որ վառվում է Ձեր մեջ, այն վառվում է այնպես, որ դուք կասեք ճշմարտությունը, կփնտրեք արդարություն»,-ասում է Քորնել Ռոնալդ Ուեսթը։