Ձեր վստահելի աղբյուրը

«Արցախը որևէ ապագա Ադրբեջանի կազմում չի ունեցել և չունի, նման իրավիճակը նշանակում է Արցախը առանց հայերի, դա չի լինելու»,-այսօր ԱԺ ֆինանսավարկային և բյուջետային հարցերի  և արտաքին հարաբերությունների մշտական հանձնաժողովների համատեղ նիստիում հայտնեց արտաքին գործերի նախարար Զոհրաբ Մնացականյանը՝ շեշտելով, որ այսօրվա իրողությունները, իրավիճակն առավել ընդգծում է այս իրողությունը, որը Հայաստանի համար մշտապես եղել է գերակայություն:

Նրա խոսքով այն առավել ընդգծում է Հայաստանի՝ ոչ թե արտաքին քաղաքականության, այլ համազգային նպատակը:

«Ես չեմ կարծում, որ որևէ հայ, որտեղ էլ նա գտնվի, կարող է համակերպվել որևէ մտքի հետ, որ մեր 150 հազար հայրենակիցները Ղարաբաղում, որոնք այսօր պահապանն են մեր ինքնության ամրության, կարող են ենթարկվել վնասի»,- հայտարարեց ԱԳ նախարարը՝ շեշտելով, որ համազգային ռեսուրսը ուղղված է դրան:

Նրա խոսքով, Հայաստանի արտաքին գերատեսչությունը սկզբունքորեն անմիջապես, բոլոր մակարդակներով աշխատում է հիմնական բոլոր գործընկերների հետ՝ ամենաբարձրից սկսած և որևէ բանի պակաս չունի:

«Ես հստակ կարող եմ ասել, որ Կառավարության քաղաքականությունը եղել է շատ հետևողական և կայուն»,- շեշտեց նա և հավելեց, որ սահմանափակված չեն ցանկացած մակարդակում իրենց շփումների մեջ: