Դատարանը թույլ է տվել Խաչատուրյան ավագ քույրերին շփվել իրենց մոր հետ

Իրավունք 17:00 05/11/2020 Աշխարհում

Դատարանը թույլ է տվել Խաչատուրյան ավագ քույրերին շփվել իրենց մոր հետ

Մոսկվայի քաղաքային դատարանն այսօր բավարարել է Խաչատուրյան ավագ քույրերի պաշտպանների միջնորդությունը՝ թույլ տալ նրանց շփվել իրենց մոր հետ: Ռիա նովոստիի հաղորդմամբ՝ ասել է աղջիկներից մեկի փաստաբան Ալեքսեյ Լիպցերը:

«Դատարանը բավարարեց պաշտպանական կողմի միջնորդությունը, Քրիստինային և Անգելինային թույլ է տվել շփվել իրենց մոր հետ», - ասել է գործակալության զրուցակիցը:

Հիշեցնենք, որ կրտսեր քրոջ գործն առանձին վարույթով է՝ կապված հանցագործության պահին նրա՝ անմեղսունակ ճանաչման հետ: Այն քննվում է Բուտիրսկի դատարանի կողմից փակ ռեժիմով: Նրան թույլատրված էր շփվել մոր հետ` որպես իր օրինական ներկայացուցիչ:

Մոսկվայում 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝ 57-ամյա Միխայիլ Խաչատուրյանին՝ դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել, որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին դատարանը փոխել էր Խաչատուրյան երեք քույրերի խափանման միջոց կալանքը և ընտրել որոշակի գործողություններ կատարելու արգելքի տեսքով խափանման միջոց։ Ավելի ուշ քույրերն ազատվել էին նաև էլեկտրոնայիան շղթայից: Նրանք չեն կարող օգտվել ինտերնետից և շփվել այլ անձի հետ, բացի իրենց փաստաբաններից, նրանց արգելվում է մասնակցել հանրային միջոցառումներին:

Հետաքննության արդյունքում պարզվել է, որ հայրը «ֆիզիկական և հոգեկան տառապանքներ» է պատճառել աղջիկներին, բայց թողել է ամենախիստ որակավորումը ՝ այդ փաստերը համարելով միայն մեղմացուցիչ հանգամանք:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: