Ձեր վստահելի աղբյուրը

Ադրբեջանի կողմից Արցախի Հանրապետության դեմ սանձազերծված պատերազմում հայրենի հողը պաշտպանելիս զոհվել է արմատներով Ջավախքի Գանձա գյուղից Լևոն Մանոյանը։ Նա զոհվել է հոկտեմբերի 12 -ին Հադրութում:

nor.ge-ն գրում է, որ Լևոնը սովորում էր Երեանի պոլիտեխնիկական համալսարանում: 9 ամիս առաջ զորակոչվել էր բանակ, ծառայում էր Հադրութում: Հոկտեմբերի 7-ին լրացել է նրա 19 -ամյակը:

Նշենք, որ սեպտեմբերի 27-ից Ադրբեջանի կողմից Արցախի Հանրապետության դեմ սանձազերծված պատերազմում հայրենի հողը պաշտպանելիս Արցախում զոհվել են արմատներով ջավախքցի բազմաթիվ զինծառայողներ ու կամավորականներ:

Այս պատերազմի ընթացքում ջավախքցիներն աչքի են ընկնում նաև իրենց հերոսությամբ։ Ավելի վաղ Հայրենիքի պաշտպանության և անվտանգության ապահովման գործում մատուցած բացառիկ ծառայությունների, մարտական գործողությունների ընթացքում ցուցաբերած անձնվիրության և արիության համար Հայաստանի Հանրապետության պաշտպանության նախարարության թիվ N զորամասի հրամանատար, գնդապետ Գարեգին Պողոսյանը պարգևատրվել էր Հայրենիքի շքանշանով: Գարեգին Պողոսյանը ծնվել և հասակ է առել Ջավախքի Խավեթ գյուղում։