Ձեր վստահելի աղբյուրը

«Ժողովուրդ» թերթը գրում է.

«Հայրենի խորհրդարանականները պետք է մինչև նոյմեբերի 17-ը ավարտեն 2021 պետական բյուջեի նախագծի քննարկումները խորհրդարանական հանձնաժողովներում: Բանն այն է, որ նոյեմբերի 17-ին պետք է մեկնարկի ԱԺ հերթական նստաշրջանը, և «Հայաստանի Հանրապետության 2021թ. պետական բյուջեի մասին» ՀՀ օրենքի նախագիծը պետք է ներառվի հերթական լիագումար նիստերի օրակարգ:

Արդեն որոշվել է, որ նոյեմբերի 16-ին պետք է տեղի ունենա Աժ խորհրդի նիստ, որի ժամանակ արդեն կհաստատվի հերթական նստաշրջանի օրակարգը, և բյուջեի նախագիծն էլ կլինի քննարկվելիք նախագծերից մեկը:

Իսկ այսօր Աժ-ում պետք է կայանա Տարածքային կառավարման, տեղական ինքնակառավարման, Գյուղատնտեսության և բնապահպանության հարցերի ու Ֆինանսավարկային և բյուջետային հարցերի մշտական հանձնաժողովների համատեղ նիստը:

Նախատեսված է, որ խորհրդարան պետք է ներկայանա Տարածքային կառավարման և ենթակառուցվածքների նախարար Սուրեն Պապիկյանը, և հրավիրված են նաև տարածքային կառավարման պատասխանատուները՝ մարզպետները, սակայն հաշվի առնելով, որ նրանք ջոկատներ են ձևավորել՝ պատերազմ մեկնելու համար, ապա չի բացառվում, որ խորհրդարան ներկայանան որոշ փոխմարզպետներ»։

Մանրամասները թերթի այսօրվա համարում