Ձեր վստահելի աղբյուրը

Ֆրանսիական Le Figaro ամսագրի փոխտնօրեն, լրագրող Ժան Քրիստոֆ Բուիսոնը, որն ակտիվորեն լուսաբանում է Արցախում պատերազմը, թվիթերում գրել է, որ անցած գիշեր Ստեփանակերտում և Շուշիում ադրբեջանական ռմբակոծությունների ընթացքում 3 նոր քաղաքացիական զոհ կա:

«Հայերը զարմանում են, թե ինչի են սպասում ՄԱԿ-ը, ԵՄ-ն ու Ֆրանսիան, որպեսզի դատապարտեն (նվազագույնը) այն, ինչ կատարվում է այստեղ»,- գրել է Բուսոնը։

Բուիսոնը գրել է նաև, որ Արցախում Շուշիի վրա հարձակվող սպանված ադրբեջանական հատուկ ջոկատայինների գրպաններում եղել են Ադրբեջանի դրոշներ, որոնք «Ալիևը անկասկած կցանկանար տեսնել այս խորհրդանշական քաղաքի վրա նոյեմբերի 9-ին՝ ազգային դրոշի օրը»:

Լրագրողը նաև հրապարակել է Ստեփանակերտի դպրոցի նկարները ադրբեջանական ռմբակոծությունից հետո:

«Հիվանդանոցն ու տաճարը նույն ճակատագրին են արժանացել»,- գրել է Բուիսոնը։

3 nouvelles victimes civiles pendant les bombardements azeris de cette nuit à #Stepanakert et #Shushi en #Artsakh #HautKarabagh. Les Arméniens se demandent ce qu'attendent l'ONU, l'UE et la France pour condamner (au minimum) ce qui se passe ici...

— J-Christophe Buisson (@jchribuisson) November 6, 2020