Ձեր վստահելի աղբյուրը

11-ամյա Աշոտը սեպտեմբերի 27-ին՝ Արցախում պատերազմը սկսվելու առաջին ժամերից հետո 4 մեծահասակի և 9 երեխայի զինավանից մեքենայով հասցրել է մինչև Հայաստանի հետ սահմանագոտի։

«Զինուժ» մեդիային Աշոտի մայրը՝ տիկին Զմրուխտը պատմում է, որ կրակոցները լսելուց հետո  զանգել է սահմանին կռվող ամուսնուն, ով ասել է՝ Աշոտին ասա թող ավտոն քշի, դուրս եկեք, շատ արագ։

Տիկին Զմրուխտը հարևաններին է տեղեկացրել, օգնել է, որ իջնեն և մեքենայով միասին շարժվել են դեպի Հայաստան։

11-ամյա Աշոտին հայրը դեռ երեք տարի առաջ է մեքենա վարել սովորեցրել։

Մայրն ասում է. «Շատ ինքնավստահ էր քշում, ինքս էլ զարմացած եմ»։

Իսկ Աշոտը խոստովանում է. «Վախում էի թեթևի մեջ, որ կարող է կրակեն ավտոյին, քանի որ կրակոցի ձայները շատ մոտ էին, կարծես մեքենային էին կրակում»։ 

«Անընդհատ ասում էին՝ զգույշ, կամաց։ Հենց սկսում էին կրակել՝ ասում էին արագ քշի»,- պատմում է Աշոտը։

Նրանք այժմ Վեդիում ժամանակավոր ապաստան են գտնել, բայց երազում են կրկին վերադառնալ զինավան։