Ձեր վստահելի աղբյուրը

Ա. Սպենդիարյանի անվան օպերայի և բալետի ազգային ակադեմիական թատրոնի նախաձեռնությամբ այս պահին առաջնագծի և զինվորին պաշտպանելու համար բեմում պատրաստվում են քողարկող ցանցեր: Թատրոնի ֆեյսբուքյան էջի փոխանցմամբ, թատրոնի տնօրենի առաջին տեղակալ Կարինե Կիրակոսյանի հավաստմամբ աշխատանքները կշարունակվեն այնքան ժամանակ, քանի դեռ կա անհրաժեշտություն այս ձևով մեր քաջարի զինվորին աջակցություն ցուցաբերելու:

Իհարկե, մշակութային օջախում հնարավոր չէր օրերն անցկացնել առանց արվեստի։ 

«Արվեստի ոգշնչող ու հզոր ուժը Թատրոնի արդեն բնականոն դարձած ամենօրյա աշխատանքերի կարևոր ու անբաժան մասն է կազմում:

Տավիղ՝ Սոնա Ենգիբարյան / Ցեկկի «Սերենադ»»,- գրված է թատրոնի ֆեյսբուքյան էջում՝ ներկայացնելով նաև տեսանյութ։ 

Ֆեյսբուքի օգտատեր Գայանե Հարությունյանն իր էջում տեսանյութ է տեղադրել, օպերային երգչուհի Լիլիթ Սողոմոնյանը երգում է Օպերայի և բալետի պետական ակադեմիական թատրոնում։ 

Նա գրել է. «Երբևէ կմտածեի՞ք, որ օպերայի և բալետի աստվածային տաճարը, վեր կածվի թիկունքային գործունեության ընտանեկան ջերմ օջախի… Արվեստագետը` արվեստագետ է բոլոր պայմաններում ու բեմում կանգնած երգչուհու համար բեմը` բեմ է, դահլիճը` դահլիճ, թեկուզ և առանց հանդիսատեսի…

Բեմում է, Երևանի Ա. Սպենդիարյանի ազգային ակադեմիական թատրոնի միջազգային մրցույթների դափնեկիր, մեներգչուհի Լիլիթ Սողոմոնյանը… Ծափերն ու «բիս֊բրավոներ»֊ը նույնպես բեմից…»։