Ձեր վստահելի աղբյուրը

Ազգային ժողովի հավաքված մարդիկ  պահանջում են հանդիպում «Իմ քայլը» խմբակցության պատգամավորների, ԱԺ փոխնախագահ Ալեն Սիմոնյանի հետ։ Նրանք նշում են, որ համաձայն չեն «հող հանձնելուն»։

Որոշ քաղաքացիները շարունակվում են մնալ ԱԺ նիստերի դահլիճում։

«Ես եմ ջարդարարը, պարոն Փաշինյանը, դու չթողեցիր հելնենք վերև ջոկատով»,-   ասաց նա՝ ներկայացնելով, որ կամավորական հիմունքներով ներգրավել է  զորահավաքային միջոցառումների։ 

ԲՀԿ-ական պատգամավոր Գևորգ Պետրոսյանն ասաց, որ ԲՀԿ ղեկավար Գագիկ Ծառուկյանը հանդիպել է Գլխավոր շտաբի պետի հետ, հիմա քննարկում են առաջիկա անելիքները, իրենք էլ՝ պատգամավորներով, ստորագրահավաք են կազմակերպում արտահերթ նիստ հրավիրելու  համար։ 

«Արտահերթ նիստով պետք է ռազմական դրությունը վերացնենք, քանի որ ռազմական դրության պայմաններում հնարավոր չէ պահանջել վարչապետի հրաժարական։ Հիմա ընթացքի մեջ է այդ գործընթացը, որպեսզի առաջին հերթին ռազմական դրությունը վերացվի, դրվի վարչապետի հրաժարականի հարցը, հետո մնացած խնդիրները»,- ասաց նա` հավելելով, որ քվորման խնդիր ունեն, պետք է ներկա լինեն նաև «Իմ քայլը» խմբակցության անդամները։ 

«Խնդրում եմ երաշխիք տվեք, որ անվտանգ կգան, մտնեն Ազգային ժողով»,- ասաց պատգամավորը։

Քաղաքացիներն արձագանքեցին, որ տալիս են այդ երաշխիքը։ 

«Երաշխավորում ենք իշխանության պատգամավորների խաղաղ մուտքն Ազգային ժողով»,- ասաց քաղաքացիներից մեկը։ 

Հիշեցնենք՝ քաղաքացիները սկսեցին նախ հավաքվել կառավարության մոտ այն պահից հետո, երբ վարչապետ Նիկոլ Փաշինյանը հայտարարեց, որ  Ռուսաստանի և Ադրբեջանի նախագահների հետ Ղարաբաղյան պատերազմը ժամը 01.00-ից դադարեցնելու մասին հայտարարություն է ստորագրել:

«Հայտարարության տեքստը, որ արդեն հրապարակվել է, անասելի ցավոտ է անձամբ ինձ եւ մեր ժողովրդի համար»,- նշել էր վարչապետը։