Ձեր վստահելի աղբյուրը

19:38

Վարչապետ Նիկոլ Փա շինյանի հրաժարականի պահանջով ակցիայի մասնակիցները հետզհետե լքում էին  Ազատության հրապարակը, սակայն ոստիկանները սկսեցին քաղաքացիներին բերման ենթարկել։ 

ԲՀԿ-ական պատգամավոր Իվետա Տոնոյանը հայտարարեց, որ իր վրա ալկոհոլի ազդեցության տակ գտնվող մարդիկ են հարձակվել և երեկվանից փորձում են սադրել հավաքը։ Նա ոստիկանությանը հորդորեց ապահովել իր անվտանգությունը։

«Այստեղ էլ, խաղաղ ցուցարարներին բերման ենթարկեցին։ Ես ցավում եմ, որ ոստիկանությունը ստիպված է կատարել նման հանձնարարություն»,- ասաց նա։ 

19։20 

Պատերազմը սկսելուն պես ես վերադարձել եմ ՀՀ և փորձել օգտակար լինել։ Այս մասին վարչապետ Նիկոլ Փաշինյանի հրաժարականի պահանջով ակցիայի ժամանակ  ասաց ՀՀ նախկին ոստիկանապետ Վալերի Օսիպյանը։

«Սակայն վարակվեցի կորոնավիրուսով, և նոր եմ ապաքինվել և իմ պարտքն եմ համարում լինել ժողովրդի կողքին։ Ես հավատում եմ, որ մեր զինվորն է լավագույնը։ Ես հնարավորություն չեմ ունեցել մասնակցելու պատերազմին և կարծիք հայտնել չեմ կարող»,- նշեց Օսիպյանը։

Հարցին, թե իր պաշտոնավարման ընթացքում ապօրինի հրամաններ ստացե՞լ է, վերջինս պատասխանեց, որ ստացել է, սակայն չի կատարել։

«Հիմա ես ինչ էլ ասել դա քաղաքական կդիտվի, ես քաղաքականությամբ չեմ զբաղվում։ Ստեղծված իրավիճակն իսկապես մտահոգիչ է, ես ունեմ փոքր երեխաներ և մտահոգված եմ իրենց ապագայով։ Ես ժողովրդի կեղքին եմ»,- նշեց նա։

19:18

«Մեզ խաբել են և պահել կեղծիքի մեջ»,- այս մասին Ազատության հրապարակում հանրահավաքի ընթացքում ասաց ՀՅԴ ներկայացուցիչ Արմեն Ռուստամյանը։

«Անընդհատ բաներ են ասել, բայց ուրիշ բան կատարել։ Ինչ էին խոսում և ուր հասանք։ Ստեղծեցին վիրտուալ աշխարհ, որտեղ հաղթում էինք, և իրական աշխարհ, որտեղ մենք պարտվեցինք և սրա մեղավորը մի մարդ է՝ Նիկոլն է։ Հերիք է հռետորաբանությամբ իր մեղքն ուրիշի վրա գցի։ Մարդկանց աչքերը բացվում են, ում աչքերն էլ դեռ չի բացվել՝ շուտ սթափվեք։ Այն, ինչ կորցրել ենք, երազանք է մնալու»,- նշեց նա։ 

Արմեն Ռուստամյանը հայտնեց, որ նաև վաղը ժամը 16:00-ին հանրությանը նորից հրավիրում են Ազատության հրապարակ։

18։45

Նշենք, որ քաղաքացիները այժմ ԱԱԾ շենքի մոտից քայլերթով շարժվում են դեպի Ազատության հրապարակ։

18։35

«Այսպիսի բարդ իրավիճակում իմ ողջ կյանքի ընթացքում չեմ եղել»,-  այս մասին բողոքի ակցիայի ընթացքում ասաց իրավապաշտպան Ավետիք Իշխանյանը։

«Հայրենիքի իրավունքերն են խախտված, հայրենիքում ապրելու։ Ես այսպես կասեմ. Եվրոպայի խորհրդի անդամ Հայաստանում գործում է գավառական 37 թիվը։ Այս շենքը ոչ թե ԱԱԾ է կամ նույնիսկ КГБ, այլ 37 թվի պես ЧеКа, որտեղ վոժդի հրամանով, որը հայրենիքը տվել է մեր թշնամիներին, ձերբակալում են, կալանավորում են անձանց։ Այստեղ դասական իմաստով խոսել Մարդու իրավունքների մասին անհեթեթություն է։ Մենք գտնվում ենք մի բռնապետիկի ձեռքում։ Սա քաղաքական դասական բանտարկյալներն են, ինչպես 37 թվին»,- նշեց իրավապաշտպանը։

18։22

Կալանավորվել են թվով 10-ից ավելի կուսակցության առաջնորդներ։ Այս մասին բողոքի ակցիայի ընթացքում հայտարարեց ԲՀԿ-ական պատգամավոր Նաիրա Զոհրաբյանը։

«Նրանք քաղաքական բանտարկյալներ են, իրավական որևէ հիմք չկա։ Միջազգային բոլոր իրավապաշտպան կառույցները տեղեկացված են, թե ինչ հետապնդումներ են անում ժողովրդավական ճանապարհով եկած իշխանությունները։ Փորձ է արվում անընդհատ կազմալուծել ընդդիմության գործառույթները։ Նորից եմ ասում, իշխանության հետ հաշվարկը սկսված է»։

18:11

Մատենադարանի մոտից ընդդիմադիր ուժերի ներկայացուցիչները, քաղաքացիները քայլելով գնում են դեպի Ազգային անվտանգության ծառայություն։ ԱԱԾ մեկուսարանում են գտվում ընդդիմադիր ուժերի ղեկավարները, որոնք ձերբակալվել էին երեկվա հանրահավաքից հետո։

Նախքան քայլերթը, «Հայրենիք» կուսակացության ներկայացուցիչ Խաչիկ Գալստյանն ասաց, որ  Արցախի գոյությունն է վտանգված։

«Փողոցով իշխանության եկած դավադիր խաբեբան ժողովրդի թիկունքում կնքել է ստորացուցիչ համաձայնություն։ Նիկոլ Փաշինյանը խաբել է մի ողջ ժողովրդի, տվել է  հազարավոր զոհեր։ Նիկոլ Փաշինյան՝ դու հանձնել ես Արցախը, քանդել ես արցախցու ծաղկուն շենքերը, կոտրել ես հայի մեջքը, հանձնել ես եկեղեցիները»,- նշեց նա։

Խ. Գալստյանն ընդգծեց՝ հայը երբեք ծնի չի գալու, երբեք թուրքին չի հանձնվելու։

«Բոլորով միասին չենք հանձնում Շուշին, կանգնում ու իշխանությունից հեռացնում ենք Նիկոլ Փաշինյանին»,- ասաց նա։

Քաղաքացիները պարբերաբար գոռում են՝ «Նիկոլ դավաճան», «Նիկոլ հեռացիր»։